گوگل نیوز پر ہمیں فالو کریںکراچی: سندھ ہائی کورٹ نے گلشن اقبال 13ڈی ون میں علیزہ آرکیڈ کے انہدام کیلئے اقدامات کرنے کی ہدایت کرتے ہوئے غیرقانونی تعمیرات کے دوران تعینات افسران کے نام 15دن میں دینے کا حکم دے دیا۔
جمعرات کو سندھ ہائی کورٹ میں غیرقانونی تعمیرات کیس کی سماعت ہوئی ،عدالت نے استفسار کی چوتھی منزل گرانے کا حکم دیا تھا ابھی بیدخلی کے نوٹس جاری کیے جارہے ہیں، اس طرح تو 5سال لگ جائیں گے۔
عدالت نے برہمی کا اظہار کرتے ہوئے کہاکہ خط بھی گھوڑوں کے ذریعے بھیجتے ہیں یاکیسے،پہنچتے ہی نہیں، افسران اپنے کمروں میں بیٹھے لیٹر لیٹر کھیلتے رہتے ہیں، افسران سمجھتے ہیں وہ بے قصوراوربے گناہ ہیں، باقی سب گناہ گارہیں، یہ افسران ملی بھگت نا کریں توبلڈرکی غیرقانونی تعمیرات کی ہمت نہ ہو۔
وکیل ایس بی سی اے نے عدالت کو بتایا اعلی سطح کمیٹی تشکیل دے دی گئی ہے، آپ اس کے سربراہ کو طلب کر سکتے ہیں، جس پرعدالت نے کہاکہ غیر قانونی تعمیرات کے خلاف کارروائی نہ کرنیوالوں کو نہیں چھوڑیں گے ، یہاں افسران کی ملی بھگت سے غیرقانونی تعمیرات کی بھرمارہے۔
وکیل ایس بی سی اے نے کہاکہ بلڈرمحمداحمدواحدی کے خلاف مقدمہ درج کیاتھا، جس پر عدالت نے کہا جن افسران کی پوسٹ کے دوران تعمیرات ہوئی ان کے خلاف کیا کارروائی ہوئی؟ تو وکیل ایس بی سی اے نے بتایا افسران کیخلاف کارروائی کا آغاز کردیا ہے۔
سندھ ہائی کورٹ نے غیرقانونی تعمیرات کیس میں بڑا حکم دیتے ہوئے گلشن اقبال تیرہ ڈی ون میں علیزہ آرکیڈ کے انہدام کے لیے اقدامات کی ہدایت کردی۔
عدالت نے غیرقانونی تعمیرات کے دوران تعینات افسران کے نام 15 دن میں دینے کا حکم بھی دیا، جسٹس حسن اظہر نے کہا ذمہ داران کے نام اینٹی کرپشن اسٹیبلشمنٹ کوفراہم کیے جائیں کیونکہ آپ اپنے افسران کیخلاف کارروائی کریں گے نہیں، دوسرا راستہ اپنانا ہوگا۔
مزید پڑھیں:کراچی کی تباہی برسوں کا نوحہ
