گوگل نیوز پر ہمیں فالو کریںاسلام آباد: وزیر اطلاعات و نشریات فواد چوہدری کا کہنا ہے کہ عالمی سطح پر اپنی تیزی سے گرتی ہوئی رینکنگ کی روشنی میں عدلیہ کو خود شناسی کی ضرورت ہے۔
سماجی رابطے کی ویب سائٹ ٹوئٹر پر فواد چوہدری نے لکھا کہ وزیر قانون فروغ نسیم نے ایک اہم سوال اٹھایا ہے کہ جب جج جوابدہ نہیں تو میں اور وزیراعظم اپنے خاندان کے اثاثوں سے متعلق کیوں جوابدہ ہوں۔
فروغ نسیم کا سوال اہم ہے کہ اگر جج صاحبان اپنے بیوی بچوں کے اثاثوں کے ذمہ دار نہیں تو پھر سیاستدانوں اور بیوروکریٹس کا احتساب کیسے ممکن ہے؟ عدلیہ کو عالمی رینکنگز میں اپنی تیزی سے گرتی ساکھ کا جائزہ لینے کی ضرورت ہے نئے چیف جسٹس جب حلف لیں گے تو انھیں اس چیلنج کا سامنا ہو گا
— Ch Fawad Hussain (@fawadchaudhry) January 30, 2022
وفاقی وزیر نے نشاندہی کی کہ نئے چیف جسٹس آف پاکستان جسٹس عمر عطا بندیال کو اس چیلنج کا سامنا کرنا پڑے گا جب وہ حلف اٹھائیں گے۔
مزید پڑھیں: تحریک انصاف نے 26فروری کو بلدیاتی قانون کے خلاف مارچ کا اعلان کردیا
