ایرانی وزیر داخلہ کا دورہ پاکستان، پاک ایران بارڈر بھی زیر بحث آئیگا

اسلام آباد: ایرانی وزیر اخلہ ڈاکٹر احمد واحدی اپنے 9 رکنی وفد کے ہمراہ پیر کو ایک روزہ دورے پر پاکستان پہنچے، جہاں پر اُن کا پاکستانی ہم منصب شیخ رشید نے استقبال کیا۔

اس دورے کے بارے میں پاکستان کے وزیر داخلہ شیخ رشید کا کہنا تھا کہ دونوں وفود کے درمیان ہونے والی اس ملاقات میں باہمی دلچسپی کے امور پر تبادلہ خیال کیا جائے گا۔

تاہم اس وفد کا استقبال کرنے کیلیئے وزارت داخلہ کے سیکیریٹری یوسف نسیم کھوکھر اور دیگر اعلیٰ حکام بھی ایئرپورٹ پر موجود تھے۔

Received His Excellency Dr. Ahmed Vahidi, Interior Minister of Islamic Republic of Iran as he reached #Pakistan on a day visit.
Matters of mutual Interest would the discussed at the delegation level meetings between Pakistan and Iran Interior ministries.@IRIMFA_EN pic.twitter.com/vUfK3XwckD

— Sheikh Rashid Ahmed (@ShkhRasheed) February 14, 2022

دریں اثناء ایرانی وزیر اپنے اس دورے میں وزیراعظم عمران خان سمیت وزیر داخلہ شیخ رشید اور دیگر اہم حکومتی سربراہان سے بھی ملاقات کریں گے۔

واضح رہے کہ اس ملاقات میں دونوں ممالک کے درمیان قیدیوں کے تبادلے اور پاک ایران بارڈر مینیجمنٹ کے معاملات بھی زیربحث آئیں گے۔