ملک میں نئی پابندی کا خدشہ، اومیکرون کی نئی قسم کی تصدیق

اسلام آباد: قومی ادارہ صحت نے پاکستان میں اومیکرون کی نئی ذیلی قسم کی تصدیق کی ہے۔

تفصیلات کے مطابق قومی ادارہ صحت کی جانب سے بتایا گیا ہے کہ جینوم کی ترتیب کے ذریعے نئے سب ویرینٹ کی تصدیق ہوئی ہے۔

The best preventive measure (besides mask-wearing at crowded places) is COVID-19 vaccination. We strongly recommended getting vaccinated and all those due for boosters must get the shots immediately.

— NIH Pakistan (@NIH_Pakistan) May 9, 2022

قومی ادارہ صحت نے بتایا ہے کہ کورونا کے نئے ویرینٹ کے باعث مختلف ممالک میں کیسز بڑھ رہے ہيں۔

قومی ادارہ صحت نے شہریوں کو خبردار کیا ہے کہ اس ویرینٹ سے بچاؤ کيلئے ہجوم والی جگہ پر ماسک پہننا اور ويکسی نيشن ہی بہتر احتياط ہے۔

قومی ادارہ صحت کی جانب سے عوام کو ویکسی نيشن مکمل کرانے اور 6 ماہ بعد بوسٹر ڈوز لگوانے کا مشورہ بھی دیا گیا ہے۔

یہ بھی پڑھیں: پاکستان میں کورونا کے 64 نئے کیسز رپورٹ، 92 مریضوں کی حالت تشویشناک

واضح رہے کہ چار ماہ قبل عالمی ادارہ صحت (ڈبلیو ایچ او) کے سربراہ ٹیڈروس ایڈہانوم گیبریوس نے کرونا وائرس کے اومی کرون ویرینٹ کے بارے میں پائے جانے والے عام تاثر سے خبردار کرتے ہوئے کہا تھا کہ اسے کرونا کا معمولی ویرینٹ نہ سمجھا جائے۔

ٹیڈروس ایڈہانوم گیبریوس نے ایک پریس بریفنگ کے دوران کہا تھا کہ لوگوں کی ریکارڈ تعداد کا نئے ویرینٹ سے متاثر ہونے کا مطلب ہے کہ اسپتالوں پر دباؤ بڑھ رہا ہے۔