محکمہ موسمیات نے ملک میں شدید گرمی کی پیش گوئی کردی

محکمہ موسمیات کی پیش گوئی کو مدِ نظر رکھتے ہوئے ڈزاسٹر مینجمنٹ اتھارٹی (این ڈی ایم اے) نے متعلقہ محکموں کو ہدایات جاری کی ہے کہ اس حوالے سے حفاظتی اقدامات کو یقینی بنائیں۔

صوبائی ڈیزاسٹر مینجمنٹ اتھارٹیز کو بھی ہدایت دی گئی ہے کہ وہ شدید گرمی کی لہر کے اثرات کو کم کرنے کے اقدامات کے لیے متعلقہ محکموں سے تعاون کریں۔

بعدازاں عوام کو مشورہ دیا گیا ہے کہ اُن اوقات میں غیر ضروری طور پر گھر سے نکلنے سے اجتناب کریں جس وقت سورج کی روشنی تیز ہوتی ہے۔

محکمہ موسمیات کی پیش گوئی کو مدِ نظر رکھتے ہوئے ماہرینِ صحت نے بھی عوام کو ہدایت دی ہے کہ وہ اپنی حفاظت کے لیے خصوصی احتیاطی تدابیر اپنائیں اور خاص طور پر بچوں کو موجودہ درجہ حرارت میں گرمی سے متعلق بیماریوں سے بچائیں۔

ماہرین صحت کے مطابق والدین اور اساتذہ کو انتہائی گرم موسم سے منسلک خطرات سے بچنے کے لیے تیاری اور انتظامات کرنے چاہئیں کیونکہ بچے اور نوجوان گرمی کی لہر کا زیادہ شکار ہوتے ہیں۔