مشتاق احمد نے زندگی کی 52بہاریں دیکھ لیں، سرفراز کی مبارکباد

لاہور: قومی کرکٹ ٹیم کے سابق اسپن بالر مشتاق احمد نے زندگی کی 52 بہاریں دیکھ لیں، سابق پاکستانی کپتان سرفراز احمد نے بولنگ کوچ مشتاق احمد کو سالگرہ کی مبارکباد دی ہے۔

سماجی رابطے کی ویب سائٹ ٹوئٹر پر اپنے پیغام میں سرفراز احمد اور قومی کرکٹ بورڈ نے بھی مشتاق احمد کو سالگرہ کی مبارکباد دی۔ بورڈ کے ٹوئٹر اکاؤنٹ سے بتایا گیا کہ مشتاق احمد نے انٹرنیشنل کرکٹ کھیلتے ہوئے 346کھلاڑیوں کو پویلین کی راہ دکھائی۔

یہ بھی پڑھیں:

فیفا، کون سے 7 کھلاڑی اپنی کارگردگی سے حیران کرسکتے ہیں؟

واضح رہے کہ مشتاق احمد کا شمار قومی کرکٹ ٹیم کے گگلی ماسٹر اسپن بالرز میں کیا جاتا ہے جو 11 بار 5 جبکہ 3 بار 10 وکٹیں لے کر بھی قومی ٹیم کی جیت میں نمایاں کردار ادا کرچکے ہیں۔ مشتاق احمد 1992 کا ورلڈ کپ جیتنے والی ٹیم کا بھی حصہ تھے۔ 

Happy birthday @Mushy_online bhai ???? https://t.co/ni3zdrcwPC

— Sarfaraz Ahmed (@SarfarazA_54) June 28, 2022

پاکستان کرکٹ بورڈ (پی سی بی) کا کہنا ہے کہ مشتاق احمد این ایچ پی سی میں اسپن بولنگ کنسلٹنٹ کے طور پر خدمات انجام دے رہے ہیں۔ 1997 میں پشاور میں ویسٹ انڈیز کے خلاف میچ کھیلتے ہوئے مشتاق احمد نے 106رنز دے کر 10 کھلاڑی آؤٹ کردئیے تھے۔

مشتاق احمد 28 جون 1970 کے روز پنجاب کے شہر ساہیوال میں پیدا ہوئے۔ لیگ بریک بالر کی حیثیت سے قومی کرکٹ ٹیم میں شامل ہوئے اور ون ڈے اور ٹیسٹ میچز میں پاکستان کی نمائندگی کا اعزاز حاصل کیا۔ انہوں نے کوچ کی حیثیت سے بھی قومی ٹیم کی خدمت کی۔