روپیہ مزید مستحکم، ڈالر کی قدر میں کمی کا سلسلہ جاری

کراچی: ملک میں روپے کے مقابلے میں ڈالر کی قدر میں اُتار چڑھاؤ کا سلسلہ آج بھی جاری ہے۔

تفصیلات کے مطابق آج انٹربینک میں ڈالر 35 پیسے کی کمی کے بعد 204 روپے 50 پیسے کا ہوگیا۔

دوسری جانب پاکستان اسٹاک ایکسچینج میں کاروبار کا منفی آغاز ہوا ہے۔پاکستان اسٹاک ایکسچینج میں 100 انڈیکس 143 پوائنٹس کم ہو کر 41487 پر موجود ہے۔

یہ بھی پڑھیں:

11ماہ میں کوکنگ آئل کی درآمد میں 44 فیصد اضافہ ہوا

واضح رہے کہ گزشتہ ہفتے انٹر بینک تبادلہ مارکیٹ میں ڈالرکی قدر کاروبار کے اختتام پر ایک روپے 75 پیسے کمی کے ساتھ 205 روپے 12 پیسے رہی تھی۔

معاشی تجزیہ کاروں کا اس حوالے سے کہنا تھا کہ آئی ایم ایف سے معاہدے کے حوالے سے مثبت خبریں سامنے آنے کے بعد روپے کی قدر مستحکم ہونا شروع ہوگئی ہے۔