کوہِ پیما شہروز کاشف نے نانگا پربت سر کرلی

استور: پاکستان کے کمسن ترین کوہ پیما شہروز کاشف نے نیا اعزاز حاصل کرتے ہوئے نانگا پربت کی 8 ہزار 126 میٹر بلند چوٹی سر کر لی ہے جو ان کا حاصل کیا گیا پہلا اعزاز نہیں۔

تفصیلات کے مطابق اپنے وطن کیلئے متعدد اعزازات حاصل کرنے والے کمسن ترین کوہ پیما شہروز کاشف نے آج صبح 8 بج کر 45 منٹ کے قریب نانگا پربت پر سبز ہلالی پرچم لہرا دیا۔

یہ بھی پڑھیں:

شہروز کاشف نے ایک اور چوٹی پر پاکستانی پرچم لہرادیا

اس حوالے سے شہروز کاشف کے والد سلمان کا کہنا ہے کہ شہروز کاشف دنیا کی تمام 8 ہزار میٹر بلند چوٹیاں سر کرنے کا عزم کرچکے ہیں جن کی مجموعی تعداد 14 بنتی ہے۔

قبل ازیں شہروز کاشف نے دنیا کی 2 بلند ترین چوٹیوں کو سر کیا ہے جن میں سری لنکا میں واقع دنیا کی بلند ترین چوٹی ماؤنٹ ایوریسٹ اور پاکستان میں واقع کے۔ٹو شامل ہیں۔

خیال رہے کہ اس سے قبل مشہورومعروف کوہ پیما شہروز کاشف نے 8 ہزار میٹر سے بلند ایک اور چوٹی سرکرنے کا اعزاز حاصل کرلیا جس کی بلندی 8 ہزار 500میٹر سے بھی زائد تھی۔

کم عمر ترین کوہ پیما شہروز کاشف نے آج سے 2 ماہ قبل 8516 میٹر اونچی چوٹی لوہٹسے پر بھی پاکستانی پرچم لہراکر تاریخ رقم کردی۔شہروز کاشف کے والد سلمان کاشف نے بھی اس کی تصدیق کردی۔