ملک بھر میں طوفانی بارشوں کا سلسلہ جاری، موسم کی خرابی کی وجہ سے ٹرینوں کی آمد و رفت تاخیر کا شکار ہونے لگی۔
ترجمان پاکستان ریلوے کا کہنا ہے کہ پاکستان ایکسپریس دوپہر 1 بجے کے بجائے ڈھائی بجے روانہ ہو گی جبکہ علامہ اقبال ایکسپریس دوپہر 2 بجے کے بجائے ایک گھنٹہ تاخیر کے بعد 3 بجے روانہ ہو گی۔
ترجمان ریلوے کے مطابق پاک بزنس ایکسپریس 4 بجے کے بجائے شام 5:15 پر روانہ ہوگی جبکہ کراچی ایکسپرس شام 04:30 کے بجائے 5:45 پر روانہ ہو گی۔
ریلوے ترجمان کے مطابق شاہ حسین ایکسپرس 07:30 کے بجائے رات 10:15 پر روانہ ہو گی۔
ترجمان پاکستان ریلوے نے یہ بھی کہا ہے کہ بقیہ تمام ٹرینیں اپنے مقررہ اوقات پر ہی روانہ ہوں گی۔
گوگل نیوز پر ہمیں فالو کریں
