کراچی، کسٹم انٹیلی جنس کی بڑی کارروائی، اربوں روپے کی چوری بے نقاب

کراچی: کسٹم انٹیلی جنس نے کراچی میں بڑی کارروائی کرتے ہوئے مقامی کار ساز کمپنی میں اربوں روپے کی چوری کو بے نقاب کردیا۔

تفصیلات کے مطابق مقامی کمپنی میسر ایگری آٹو کمپنی کسٹم کے آٹومیٹڈ نظام سے سینکڈوں کنسائنمنٹ جن کی مالیت ساڈھے تین ارب بتای جارہی ہے دھوکہ دہی سے نکالتی رہی ہے۔

مقامی کمپنی امپورٹر جدید گاڈیوں کے سلائنسر میں استعمال ہونے والے کیٹالیٹک کنورٹر کو جیولری کے کوڈ میں نکالتی رہی ہے۔

کسٹم انٹیلی جنس حکام کے مطابق کسٹم کے آٹومیٹڈ نظام میں امپورٹر کے اوپر ذمہ داری ہوتی ہے کہ وہ تمام ڈکلیریشن ایمانداری سے ڈالے البتہ اس کا غلط فائدہ اٹھاتے ہوے مذکورہ کمپنی نے سرکار سے فراڈ کرتے ہوے سرکاری خزانے کو ایک ارب تک کا نقصان پہنچایا۔

یہ بھی پڑھیں:

کراچی، شوہر نے بیوی کو گرم پانی میں اُبال دیا، مقدمہ درج

کسٹم انٹیلی جس کراچی نے ڈی جی عبدالرشید شیخ کے حکم پر کارروائی کرتے ہوے اس فراڈ کو بے نقاب کیا۔ ڈاریکٹر کراچی محمد ساقف سعید اور ایڈیشنل ڈاریکٹر عمر شفیق نے کارروائی کی بھرپور مونیٹرنگ کی اور پرنسپل اپریزر فاروق احمد، کسٹم اپریزر الیاس گچکی اور اُن کی ٹیم نے رات دن کی ورکنگ کرتے ہوے کیس کو منطقی انجام تک پہنچایا۔

کیس پہلے کسٹم ایڈجوڈکیشن میں سرکار کے حق میں آیا جس پر امپورٹر نے کسٹم ٹرائبنل میں اپیل دائر کی۔ اپیل کی درخواست کو ٹرائبنل نے مسترد کرتے ہوئے کسٹم حکام سے فوری سرکاری خزانے کو پہنچنے والے نقصان کی مد میں رقم وصول کرنے کا حکم صادر کردیا۔