پاکستانی پہلوان انعام بٹ نے بیٹی کے ہمراہ تصویر شیئر کردی

2021 میں بیچ ریسلنگ ورلڈ سیریز میں گولڈ میڈل جیتنے والے پاکستانی پہلوان انعام بٹ کے ہاں بیٹی کی پیدائش ہوئی ہے۔

پاکستانی پہلوان انعام بٹ نے سماجی رابطے کی ویب سائٹ ٹوئٹر پر اپنے چاہنے والوں کے ساتھ یہ خوشخبری شیئر کی۔

انعام بٹ نے اپنی بیٹی کے ہمراء تصویر شیئر کرتے ہوئے مداحوں سے بیٹی کا نام بھی تجویز کرنے کا کہا۔

الحمداللہ اللّه نے اپنی رحمت سے نوازا ۔ اللّه ایمان ، صحت اور تندرستی والی زندگی دے اور نصیب اچھے کرے ۔ میری پیاری بیٹی کے لئے اچھا سا نام بتائیے ۔ pic.twitter.com/tooAN8u7Gb

— Inam Butt (@InamTheWrestler) July 18, 2022

انہوں نے ٹوئٹر پر جاری پیغام میں کہا کہ ’الحمداللّٰہ، اللّٰه نے اپنی رحمت سے نوازا، اللّٰه ایمان، صحت اور تندرستی والی زندگی دے اور نصیب اچھے کرے۔ میری پیاری بیٹی کے لیے اچھا سا نام بتائیے‘۔

واضح رہے کہ گزشتہ سال پاکستان کے مشہور پہلوان انعام بٹ نے بیچ ریسلنگ ورلڈ سیریز کے فائنل میں یوکرین کے پہلوان کو باآسانی شکست دے کر گولڈ میڈل جیتا تھا۔ اس سے قبل اکتوبر 2017 میں ترکی میں منعقدہ ورلڈ بیچ ریسلنگ چمپیئن شپ میں گولڈ میڈل جیتا، جبکہ 2018 میں ورلڈ بیچ ریسلنگ ورلڈ سیریز کے فائنل میں جارجیا کے پہلوان کو 1-3 سے شکست دے کر اعزاز اپنے نام کیا تھا۔