عائزہ خان کے انسٹا گرام پر 12 ملین فالوورز ہوگئے

پاکستان کی معروف اداکارہ عائزہ خان کے انسٹاگرام پر فالوورز کی تعداد 12 ملین تک پہنچ گئی ہے۔

اداکارہ عائزہ خان اتنے سارے فالوورز کے ساتھ سوشل میڈیا پلیٹ فارم پر 12 ملین فالوورز تک پہنچنے والی پہلی پاکستانی مشہور شخصیت بن گئی ہیں۔

عائزہ خان نے انسٹاگرام پر اپنی کامیابی کا جشن منایا جہاں انہوں نے اپنے مداحوں کی طرف سے تعریفی پیغامات بھی شیئر کیے۔

علاوہ ازیں کچھ روز قبل عائزہ خان نے اپنی انسٹا اسٹوری میں یہ انکشاف کیا تھا کہ اُن کا سوشل میڈیا پر اکاؤنٹ اداکار عمران عباس نے بنایا تھا جس پر انہوں نے اداکار کا شکریہ ادا کیا اور انھیں 7 ملین فالوورز کی تعداد عبور کرنے پر مبارکباد دی تھی۔

خیال رہے کہ ایمن خان انسٹاگرام پر 10.6 ملین فالوورز کے ساتھ دوسرے نمبر پر ہیں جب کہ ان کی بہن منال خان کے 9.3 ملین فالوورز ہیں۔