کراچی، ڈی ایچ اے کی انتظامیہ نے بارش کے بعد خیابانِ شہباز ٹریفک کیلئے بند کردی

کراچی: کراچی میں وقفے قفے سے جاری بارش کے باعث ڈی ایچ اے کی انتظامیہ نے خیابانِ شہباز ٹریفک کے لیے بند کر دی۔

تفصیلات کے مطابق خیابان شہباز سے خیابانِ اتحاد جانے اور آنے والے دونوں ٹریکس پر پانی ہے، خیابانِ راحت پر بھی برساتی پانی کھڑا ہے۔

خیابانِ راحت کی گلیاں اور سڑکیں تالاب کا منظر پیش کررہی ہیں اور بخاری کمرشل ایریا پانی میں ڈوب گیا۔

یہ بھی پڑھیں:

حب ڈیم مکمل بھرنے کے نشان سے بھی کئی فٹ اوپر چلا گیا

نکاسی آب کا مناسب انتظام نہ ہونے کے باعث ڈی ایچ اے کی انتظامیہ نے بارش کے بعد خیابانِ شہباز ٹریفک کیلئے بند کردی۔

دوسری جانب بارش کا پانی جمع ہونے کے باعث گرو مندر چوک کو بھی ٹریفک کے لیے بند کر دیا گیا ہے۔

واضح رہے کہ محکمہ موسمیات کا کہنا ہے کہ شہر میں بدھ تک کہیں معتدل اور کہیں تیز بارش کا امکان ہے۔

محکمہ موسمیات کے مطابق سندھ بھر میں مون سون بارشوں کا تیسرا اسپیل 29 جولائی تک جاری رہنے کا امکان ہے۔