گوگل نیوز پر ہمیں فالو کریں22ویں کامن ویلتھ گیمز کا آغاز جمعراتکو انگلینڈ کے شہر برمنگھم میں ہوا، جس میں شرکت کرنے والے 72 ممالک میں پاکستانی کھلاڑی بھی شامل ہیں۔
کامن ویلتھ گیمز 2022 کی تقریب میں پاکستان میں بچیوں کی تعلیم کی اہمیت کو اجاگر کیا گیا۔ اس موقع پر تقریب میں ملالہ یوسف زئی کو مدعو کیا گیا، اور پاکستان میں بچیوں کی تعلیم پر خصوصی ڈاکومینٹری بھی چلائی گئی۔
افتتاحی تقریب سے خطاب میں ملالہ یوسف زئی کا کہنا تھا کہ خواتین کی معاشرے میں شرکت اور اسکولوں تک سب کی رسائی ضروری ہے۔
ملالہ یوسف زئی نے کہا کہ میرے لئے کامن ویلتھ گیمز کی افتتاحی تقریب میں آنا اعزاز کی بات ہے۔ انہوں نے کہا کہ یہاں 72 ملکوں کے ایتھلیٹس آئے ہیں، سب کو برمنگھم میں خوش آمدید کہتی ہوں۔
