شہباز گِل ڈرامے بازی کررہے ہیں، اُن پر کوئی تشدد نہیں کیا گیا، رانا ثناء اللہ

اسلام آباد: وفاقی وزیرداخلہ رانا ثناء اللہ نے کہا ہے کہ پی ٹی آئی رہنما شہباز گل صرف ڈرامے بازی کر رہے ہیں اُن پر کسی قسم کا کوئی تشدد نہیں کیا گیا۔

تفصیلات کے مطابق وفاقی وزیرداخلہ رانا ثناء اللہ نے نجی ٹی وی سے گفتگو میں کہا کہ عمران خان ہمیشہ کی طرح جھوٹ بول رہے ہیں کہ جنسی ذیادتی ہوئی ہے، اگر یہ سمجھتے ہیں کہ کسی نےکوئی ذیادتی کی ہے تو اُس کے خلاف درخواست دیں۔

انہوں نے کہا کہ پی ٹی آئی والوں نے پمز اسپتال یا ریڈزون پر حملہ کرنے کی کوشش کی تو قانونی کارروائی ہوگی۔

رانا ثناء اللہ کا کہنا تھا کہ عمران خان کو معلوم ہے توشہ خانہ اور فارن فنڈنگ کا فیصلہ آنے والا ہے اس لیے وہ جھوٹا پروپیگنڈا کر رہے ہیں۔

یہ بھی پڑھیں: ‏

سبی میں مسافر بس الٹنے سے 1 شخص جاں بحق، 9 زخمی

خیال رہے کہ گزشتہ روز چیئرمین تحریک انصاف عمران خان کا کہنا تھا کہ تصاویر اور ویڈیوز میں واضح ہے کہ شہباز گِل کو ذہنی اور جسمانی طور پر تشدد کانشانہ بنایا گیا۔

عمران خان نے دعویٰ کیا تھاکہ شہباز گل پر تشدد میں جنسی زیادتی بھی شامل ہے، شہباز گل کو توڑنے کیلئے ذلیل کیا گیا، میرے پاس مکمل تفصیلی معلومات ہیں۔