گوگل نیوز پر ہمیں فالو کریںربیع الاول کے مہینے میں بشریٰ اقبال نے اپنے سابق شوہر عامر لیاقت کو خراج عقیدت پیش کیا ہے۔
حال ہی میں مرحوم عامر لیاقت کی سابقہ اہلیہ بشریٰ اقبال نے اپنے یوٹیوب چینل پراپنی آواز میں ایک نعت ’میں نذر کروں جان و جگر‘ اپلوڈ کی ہے۔
انہوں نے اپنی اِس نعت کے ذریعے سے میزبان، سیاستدان و نعت خواں عامر لیاقت حسین کو خراج عقیدت پیش کیا ہے۔
Main Nazr Karun Jaan o Jigar | Naat | A Tribute to Legendary Naat Khawan Marhoom Aamir Liaquat Hussain https://t.co/bAnlfJYIvE via @YouTube
— Dr Bushra Iqbal???????? (@DrBushraIqbal) October 2, 2022
بشریٰ اقبال کی جانب سے یوٹیوب پر شیئر کی گئی ویڈیو عامر لیاقت کے درود شریف کا نذرانہ پیش کرتے ہوئے ایک ویڈیو کلپ سے شروع ہوتی ہے۔
بعد ازاں بشریٰ اقبال کی آواز میں پیارے نبی کریم صلی اللہ علیہ وسلم کی شان میں نعت پڑھی جارہی ہے جبکہ ویڈیو میں عامر لیاقت حسین کے مدینہ منورہ کے دوروں سے لی گئی یادگار تصویریں بطورِ فلم چل رہی ہیں۔
خیال رہے کہ عامر لیاقت حسین 9 جون 2022 کو کراچی میں انتقال کرگئے تھے، اُن کے انتقال کے بعد اکثر اوقات بشریٰ اقبال اپنے سوشل میڈیا اکاؤنٹس پر سابق شوہر عامر لیاقت اور بچوں کی یادگار تصویریں شیئرکرتی رہتی ہیں۔
