گوگل نیوز پر ہمیں فالو کریںاسلام آباد: پاکستان اسٹاک ایکسچینج میں آج کاروباری ہفتے کے پہلے روز کے دوران 100انڈیکس میں تیزی کا رجحان دیکھا گیا۔
اسٹاک مارکیٹ میں آج کاروبار کے دوران کے ایس ای 100انڈیکس میں 126.39 پوائنٹس کا اضافہ ہوا، جو کہ 0.30 فیصد کی مثبت تبدیلی سے 42,085.25 پوائنٹس کے مقابلے 42,211.64 پوائنٹس پر بند ہوا۔
اسٹاک مارکیٹ میں مجموعی طور پر 336 کمپنیوں کے حصص کا لین دین ہوا، جن میں سے 161 کے حصص کی قیمتوں میں اضافہ اور 149 کے بھاؤ میں کمی جبکہ 26 کمپنیوں کے حصص کی قیمتوں میں کوئی تبدیلی نہیں ہوئی۔
تین سرفہرست تجارتی کمپنیاں جن میں ورلڈ کال ٹیلی کام 31,151,000 حصص کے ساتھ 1.63 روپے فی حصص، پاک الیکٹرون 27,142,500 کے ساتھ 17.45 روپے اور The TRG پاک لمیٹڈ 26,747,663 کے ساتھ 151.43 روپے فی شیئر پر تھیں۔
یونی لیور فوڈز نے سب سے زیادہ 449.50 روپے فی حصص کی قیمت میں اضافہ دیکھا، جو 25,949.50 روپے پر بند ہوا جب کہ دوسرے نمبر پر نیسلے پاکستان رہی جس میں فی حصص کی قیمت 100 روپے اضافے کے ساتھ 5,850 روپے ہوگئی۔
