گوگل نیوز پر ہمیں فالو کریںشرم الشیخ: پاکستان نے کوپ 27 کانفرنس میں ماحولیاتی مسائل کے ازالے کیلئے بین الاقوامی فنڈ قائم کرنے کے اعلان کا خیر مقدم کیا ہے۔
تفصیلات کے مطابق کوپ 27 کانفرنس میں بڑی پیشرفت سامنے آگئی۔ وزیرِ موسمیاتی تبدیلی شیری رحمان کا کہنا ہے کہ 134 ممالک کیلئے لاس اینڈ ڈیمیج فنڈ کے قیام کا مطالبہ 30 سال قبل کیا گیا تھا۔
عمران خان کا 26 نومبر بھی گزر جائے گا، مریم اورنگزیب
سماجی رابطے کی ویب سائٹ ٹوئٹر پر اپنے پیغام میں وزیرِ اعظم شہباز شریف نے کہا کہ اقوامِ متحدہ کی ماحولیاتی سمٹ میں لاس اینڈ ڈیمیج فنڈ کا قیام ماحولیاتی انصاف کی جانب پہلا اہم اقدام ہے۔
وزیر اعظم شہباز شریف نے کہا کہ ٹرانزیشنل کمیٹی پر منحصر ہے کہ وہ تاریخی اقدام کیلئے کیسے کام کرتی ہے۔ میں شیری رحمان اور ان کی ٹیم کو انتھک محنت اور کاوشوں پر سراہتا ہوں۔
The establishment of loss & damage fund at the UN climate summit is the first pivotal step towards the goal of climate justice. It is up to the transitional committee to build on the historic development. I appreciate @sherryrehman & her team for their contribution & hard work.
— Shehbaz Sharif (@CMShehbaz) November 20, 2022
قبل ازیں سماجی رابطے کی ویب سائٹ ٹوئٹر پر اپنے پیغام میں وزیرِ موسمیاتی تبدیلی شیری رحمان نے کہا کہ ہم آج کے اعلان کا خیر مقدم کرتے ہیں، کوپ 27 میں موسمیاتی انصاف کے بنیادی اصولوں کی تصدیق ہوئی۔
It’s been a long 30-year journey from demand to formation of the Loss & Damage Fund for 134 countries. We welcome today’s announcement ???? and joint text hammered out thru many nights. It’s an important first step in reaffirming the core principles of #climatejustice @COP27P 1/4 pic.twitter.com/ErNDRLnLCt
— SenatorSherryRehman (@sherryrehman) November 20, 2022
وفاقی وزیرِ موسمیاتی تبدیلی شیری رحمان نے اپنے ٹوئٹر پیغام میں کہا کہ فنڈ قائم ہوگیا، ہم فنڈ کی فعالیت کے منتظر ہیں تاکہ موسمیاتی تبدیلیوں سے تباہی کا نشانہ بننے والے ممالکی کیلئے پلیٹ فارم مہیا کیا جاسکے۔
The announcement offers hope to vulnerable communities all over the world who are fighting for their survival from climate stress. And gives some credibility to the COP process. Now it’s up to transitional committee to move it forward by December 2023 as decided. 3/4
— SenatorSherryRehman (@sherryrehman) November 20, 2022
وزیرِ موسمیاتی تبدیلی شیری رحمان نے کہا کہ فنڈ کے قیام کا اعلان پوری دنیا میں موسمیاتی تبدیلی سے متاثرہ ممالک کیلئے امید کی کرن ہے جو موسمیاتی دباؤ سے بقاء کی جنگ لڑ رہے ہیں۔
شیری رحمان نے کہا کہ فنڈ کے قیام سے کوپ 27 کانفرنس کو بھی استحکام ملا ہے اور اب یہ ٹرانزیشنل کمیٹی پر منحصر ہے کہ فیصلے کے مطابق فنڈ کے قیام کا معاملہ دسمبر 2023 تک فارورڈ کیا جائے۔
