گوگل نیوز پر ہمیں فالو کریںسال 2022 میں پاکستانی شوبز انڈسٹری کی کئی معروف جوڑیوں کے درمیان علیحدگی ہوگئی انہی میں سے ایک عمران اشرف اور کرن اشفاق کی جوڑی بھی تھی۔
2022 میں عمران اشرف اور کرن نے شادی کے چار سال بعد علیحدگی کا اعلان کردیا تھا۔دونوں نے سوشل میڈیا پر اپنی علیحدگی کی خبریں شیئر کیں۔ عمران اشرف اور ان کی سابقہ اہلیہ کرن اشفاق کی شادی 2018 میں ہوئی تھی اور وہ ایک بیٹے روحام کے والدین بھی ہیں۔
دونوں کی طلاق کی خبر جب مداحوں کو پتہ چلی تھی تو وہ افسردہ ہوگئے تھے اور اُن کی جانب سے طلاق کی وجہ پوچھی جارہی تھی، تاہم دونوں اداکاروں نے اس حوالے سے کچھ بھی نہیں کہا تھا۔
کرن اشفاق اِن دنوں سوشل میڈیا پر کافی متحرک ہیں اور بہت جلد شوبز میں بھی واپسی کررہی ہیں، گزشتہ روز انہوں نے انسٹاگرام پر ایک سوال جواب کا سیشن کیا، سوشل میڈیا صارفین نے ان سے ذاتی زندگی سے متعلق سوالات کی بوچھاڑ کردی۔
کرن اشفاق نے اپنے سوشل میڈیا اکاؤنٹ پر شروع کئے گئے سلسلے میں پوچھے گئے تلخ سوالوں کے جوابات بھی دیئے اور بتایا کہ طلاق کے بعد ان کی زندگی پُر سکون گزررہی ہے اور یہ کہ انہوں نے طلاق لی نہیں بلکہ انہیں طلاق دی گئی ہے۔ آئیے اُن کے سوال کے جواب کے سیشن پر ایک نظر ڈالتے ہیں:
