گوگل نیوز پر ہمیں فالو کریںراولپنڈی: سپہ سالار جنرل عاصم منیر کا کہنا ہے کہ جڑانوالہ کا واقعہ انتہائی افسوسناک اور مکمل طور پر ناقابل برداشت ہے، جرائم کے مرتکب افراد کو انصاف کے کٹہرے میں لائیں گے۔
آرمی چیف جنرل عاصم منیر کا سالانہ آئی ایس پی آر انٹرنشپ پروگرام کے شرکا سے خطاب کرتے ہوئے کہنا تھا کہ معاشرے کے کسی بھی طبقے کی طرف سے کسی کے خلاف خاص طور پر اقلیتوں کے خلاف عدم برداشت اور انتہائی رویے کے ایسے واقعات کی کوئی گنجائش نہیں ہے۔
سپہ سالار نے کہا کہ کسی کو قانون ہاتھ میں لینے کی اجازت نہیں دی جائے گی، اور ایسے جرائم کے مرتکب افراد کو انصاف کے کٹہرے میں لایا جائے گا،پاکستان کے تمام شہری بلا تفریق مذہب، جنس، ذات یا عقیدہ ایک دوسرے کے لیے برابر ہیں۔
آرمی چیف کا آئی ایس پی آر انٹرنشپ پروگرام کے حوالے سے کہنا تھا کہ پروگرام میں پاکستان بھر کی مختلف یونیورسٹیوں کے 370 سے زائد طلباء نے شرکت کی۔ علاوہ ازیں آرمی چیف نے قومی ترقی میں نوجوانوں کے کردار پر زور دیا۔
آرمی چیف نے کہا کہ نوجوانوں کے لیے ضروری ہے کہ وہ سچ، آدھا سچ، جھوٹ، غلط معلومات اور غلط معلومات کے درمیان فرق کو سمجھیں۔
مزید پڑھیں:اقلیتی حقوق مارچ اور عورت مارچ کی جڑانوالہ حملے کی شدید مذمت
سپہ سالار نے ملک میں انارکی اور بدامنی پھیلانے کے لیے عوام میں دراڑ، عدم برداشت، بداعتمادی اور پرتشدد رویے پیدا کرنے اور اسے ہوا دینے کے لیے دشمن قوتوں کی کوششوں کو بھی اجاگر کیا۔
