گوگل نیوز پر ہمیں فالو کریںجنوبی وزیرستان میں دہشت گردوں کی فائرنگ کے نتیجے میں پاک فوج کے 6 جوان شہید ہو گئے ہیں۔ سکیورٹی فورسز نے 4 دہشت گردوں کو ہلاک کردیا۔
تفصیلات کے مطابق جنوبی وزیرستان میں سکیورتی فورسز اور دہشت گردوں کے مابین فائرنگ کے تبادلے کے دوران 6 جوانوں نے جامِ شہادت نوش کرلیا۔ فائرنگ کا تبادلہ جنوبی وزیرستان کے علاقے اسمان منزہ میں پیش آیا۔
کراچی، شہری نے چھینی گئی موٹر سائیکل خود برآمد کرلی
پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ فائرنگ کے شدید تبادلے کے دوران پاک فوج کے 6 جوانوں نے بے جگری سے لڑتے ہوئے جامِ شہادت نوش کیا۔ کلیرنس آپریشن جاری ہے۔
آئی ایس پی آر کا کہنا ہے کہ فورسز کی مؤثر کارروائی سے 2 دہشت گرد زخمی ہوگئے۔ کلیرنس آپریشن کا مقصد علاقے میں ممکنہ طور پر موجود دیگر دہشت گردوں کو ختم کرنا ہے۔
ترجمان پاک فوج (آئی ایس پی آر) کا کہنا ہے کہ ہمارے بہادر سپاہی ایسی قربانیاں دے کر ہمارے عزم و مزید مضبوط کرتے ہیں۔ مسلح فوج دہشت گردی کی لعنت کو ختم کرکے رہے گی۔
