جامعہ نعیمیہ لاہور کے زیراہتمام میلادالنبیؐ کا سالانہ جلوس نکالا گیا۔ جلوس جامعہ نعیمیہ سے شروع ہو کر گڑھی شاہو، کوئین میری کالج روڈ، پریس کلب اور پولیس لائن سے ہوتا ہوا بی بی پاکدامنؒ کے مزار پر اختتام پذیر ہوا۔

جلوس کی قیادت ناظم اعلیٰ جامعہ نعیمیہ علامہ ڈ اکٹر راغب نعیمی نے کی۔ شرکاء سے خطاب کرتے ہوئے جامعہ نعیمیہ کے ناظم اعلیٰ علامہ ڈاکٹر راغب حسین نعیمی نے کہا کہ سیرت النبی ؐپوری انسانیت کیلئے مشعل راہ ہے۔ اسوۂ رسولؐ پر عمل پیرا ہو کر معاشرے کو امن کا گہوارہ بنایا جا سکتا ہے۔

یہ بھی پڑھیں:

میلاد النبی صلی اللہ علیہ وآلہ وسلم، اسلامی دنیا کیلئے خوشی اور فرحت کا باعث ہے۔ حضور اقدس صلی اللہ علیہ وآلہ وسلم کے آمد پر دنیا میں نئی روشنی چمک گئی، آپ ؐنے ہمیں روشنی اور ہدایت کا راستہ دکھایا گیا۔ ہمیں ان کے سیرت اور ان کے اعمال کو گہرائی سے سمجھنا چاہیے تاکہ ہم ان سے مستفید ہو سکیں۔
انہوں نے کہا کہ میلادالنبی کے موقع پر ہمیں اتحاد و تفہیم کی ترویج کرنی چاہیے۔ ہمیں اپنے مسلمان بھائیوں کے ساتھ پیار و محبت کا احساس رکھنا چاہیے اور ایک دوسرے کے احترام کرنے کی تعلیم کرنی چاہیے۔

انہوں نے کہاکہ میلاد النبی کے موقع پر ہمیں یاد رکھنا چاہیے کہ ہم اپنے زندگیوں میں ان کی سنتوں کو پیروی کریں۔ ہمیں دوسروں کے ساتھ مہربانی، احترام اور ایک دوسرے کے حقوق کی پابندی کریں۔

جلوس میں نعیمین ایسوسی ایشن کے مرکزی صدر مفتی ندیم قمر، پروفیسر لیاقت علی صدیقی، مفتی قیصر شہزاد نعیمی، مفتی محمد عمران حنفی، مفتی محمد مدنی، حاجی محمد عمران، حافظ نعمان کشمیری، مولانا شفقت علی یوسفی، مولانا ظہیر احمد و دیگر علماء کرام، طلباء سمیت مختلف شعبہ ہائے زندگی سے تعلق رکھنے والے افراد کی کثیر تعداد نے شرکت کی۔