گوگل نیوز پر ہمیں فالو کریںبالی وڈ کی دبنگ گرل اور حال ہی میں اپنے دیرینہ مسلمان دوست کے ساتھ دھوم دھڑکے سے شادی کرنے والی اداکارہ سوناکشی سنہا ہنی مون کے دوسرے مرحلے میں اکیلے ہی فلپائن پہنچ گئیں۔
دبنگ اداکارہ نے انسٹا گرام پر پوسٹ کی گئی ایک اسٹوری میں ایک خوبصورت تصویر شیئر کرتے ہوئے مداحوں کو خبر دی ہے کہ وہ ہنی مون کے سیکنڈ راؤنڈ کے لئے فلپائن پہنچ چکی ہیں۔
سوناکشی سنہا نے اسٹوری میں مزید بتایا کہ پروازیں الگ الگ ہونے کی وجہ سے انہیں فلپائن اکیلے آنا پڑا اور وہ اب اپنے شوہر ظہیر اقبال کا انتظار کر رہی ہیں۔
یاد رہے کہ سوناکشی سنہا اور ظہیر اقبال نے 23 جون کو شادی کی تھی اور دونوں فلم ’ڈبل ایکس ایل‘ میں ساتھ کام کرچکے ہیں۔
سوناکشی ہندو مت کی پیروکار جبکہ ان کے شوہر مسلمان ہیں۔ یہی وجہ ہے کہ اس بین المذاہب شادی کو بھارتی انتہا پسندوں نے اب تک حلق سے نہیں اتارا اور سوشل میڈیا پر تاحال سوناکشی کو ٹرول کر رہے ہیں۔
