گوگل نیوز پر ہمیں فالو کریںصوبہ بلوچستان میں حال ہی میں تشدد کے واقعات میں تیزی سے اضافہ دیکھنے میں آیا ہے جس میں مختلف اضلاع میں ٹارگٹ کلنگ اور دہشت گردوں کے حملوں میں 40 سے زائد افراد ہلاک ہو چکے ہیں۔
26 اگست کی صبح بیلہ میں سیکورٹی فورسز کے کیمپ کے گیٹ پر گاڑی کے ساتھ ٹکر کے بعد دھماکہ ہوا۔
حملے کے بعد بلوچ لبریشن آرمی (بی ایل اے) نے اپنے دو خودکش بمباروں، ماہل بلوچ اور رضوان بلوچ کی تصاویر اپنے چینل پر جاری کیں جو ایک خاتون حملہ آور کی تعیناتی سے بی ایل اے کے نقطہ نظر میں تبدیلی کی نشاندہی کرتی ہیں۔
بی ایل اے نے دو مہلک حملوں کی ذمہ داری قبول کی جس میں کم از کم 31 افراد جاں بحق ہوئے۔ بلوچستان کے ایک ضلع موسیٰ خیل میں 23 افراد کی شناخت کی گئی اور انہیں بسوں، گاڑیوں اور ٹرکوں سے اتار کر گولیاں مارکر قتل کیا گیا۔ ایک الگ حملے میں بلوچستان کے ضلع قلات میں مسلح افراد نے چار پولیس افسران اور پانچ شہریوں سمیت کم از کم نو افراد کو ہلاک کر دیا۔
26 اگست کو انٹر سروسز پبلک ریلیشنز (آئی ایس پی آر) نے اطلاع دی کہ فورسز کی کارروائی میں 21 دہشت گرد مارے گئے جب کہ قانون نافذ کرنے والے اداروں کے 4 افسران سمیت 14 جوان شہید ہوئے۔
ماہل بلوچ کون تھی؟
ماہل بلوچ تربت یونیورسٹی میں قانون کی طالبہ تھی، ملزمہ کا تعلق ساحلی شہر گوادر سے تھا۔ دی بلوچستان پوسٹ کے مطابق وہ بیلہ میں ایف سی کیمپ پر خودکش حملے میں ملوث تھی۔
جمعرات کو پاکستانی سیکورٹی فورسز نے مبینہ طور پر تربت یونیورسٹی پر چھاپہ مارا۔ انٹیلی جنس ایجنسیوں نے خواتین کے ہاسٹل میں سرچ آپریشن کیا، طالبات سے ماہل بلوچ کے بارے میں پوچھ گچھ کی اور کمروں کی تلاشی لی۔اے این آئی کے مطابق طلباء کا دعویٰ ہے کہ سیکورٹی فورسز نے ان سے ماہل بلوچ کے بارے میں پوچھ گچھ کی۔
یہ پہلا موقع نہیں جب بلوچستان سے تعلیم یافتہ خواتین خودکش حملے میں ملوث ہوئیں۔ اپریل 2022 میں دو بچوں کی 30 سالہ ماں شری بلوچ نے کراچی یونیورسٹی کے کنفیوشس سینٹر کو ایک خودکش بم دھماکے میں نشانہ بنایا، جس میں تین چینی انسٹرکٹرز سمیت چار افراد ہلاک ہوئے۔
ایک سال بعد جون 2023 میں ایک اور خاتون خودکش بمبار سمیہ قلندرانی بلوچ نے بلوچستان کے ضلع تربت میں پاکستانی فوج کے ایک قافلے کو نشانہ بنایا تھا۔
