گوگل نیوز پر ہمیں فالو کریںبھارت میں بی جے پی کے زیر انتظام گجرات کے علاقے سورت میں پولیس نے ہندو تہوار کے دوران ہندو انتہا پسند ہجوم کی طرف سے بھڑکائے گئے مسلم مخالف تشدد کی لہر کے بعد 27 مسلمانوں کو گرفتار کر لیا ، پرتشدد واقعات میں مسلمانوں کی دکانوں، گاڑیوں اور ایک مسجد پر حملے شامل تھے۔
ہجوم نے دعویٰ کیا کہ مبینہ طور پر دلت اور مسلم کمیونٹی سے تعلق رکھنے والے 8 سے 12 سال کی عمر کے بچوں نے تہوار کی تقریبات کے دوران ایک پتلے پر پتھر پھینکے تھے۔
مقامی باشندوں کا خیال ہے کہ پتھر حادثاتی طور پر مجسمے پر اس وقت لگا جب بچے کھیل رہے تھے۔ صورت حال تیزی سے بڑھ گئی جب ہندو انتہا پسندوں نے علاقے میں مسلمانوں کے گھروں کو مسمار کرنے کا مطالبہ کیا اور ہجوم مسلمانوں کی املاک اور ایک مسجد کو نشانہ بنانے کے لیے آگے بڑھے۔
لاٹھیوں اور سلاخوں سے لیس حملہ آوروں نے مسلمانوں کی موٹر سائیکلوں اور دیگر املاک کو آگ لگاتے ہوئے ’’جئے شری رام‘‘ کا نعرہ لگایا۔ کشیدگی اس وقت مزید شدت اختیار کر گئی جب عید میلاد النبی ؐ کے جھنڈوں کو زبردستی ہٹا دیا گیا جس سے مسلم کمیونٹی میں غم و غصہ پایا جاتا ہے۔
واقعہ کے بعد تشدد سورت کے دیگر علاقوں میں پھیل گیا، بڑے پیمانے پر تباہی کے باوجود اب تک گرفتار کیے گئے 27 افراد میں سے زیادہ تر کا تعلق مسلم کمیونٹی سے ہے۔
