گوگل نیوز پر ہمیں فالو کریںایل او سی کی خلاف ورزی پر پاک فوج نے بھرپور اور مؤثر کارروائی کی، بھارت کی طرف سے لائن آف کنٹرول کے دیوا سیکٹر پر حملے ہوئے جنہیں آرمی نے کامیاب نہیں ہونے دیا۔
ڈی جی آئی ایس پی آر میجر جنرل آصف غفور کے مطابق لائن آف کنٹرول پر ہمسایہ ملک کی شرپسندانہ کارروائیاں تھمنے میں نہیں آئیں، تاہم آرمی اس کا مسکت جواب دے رہی ہے۔
پاک فوج کے شعبۂ تعلقاتِ عامہ کے مطابق بھارت کی طرف سے کارروائی کی ابتداسے ہی پاک فوج نے اس کا مؤثر جواب دیا جس کے نتیجے میں لائن آف کنٹرول پر بھارت کو بھاری جانی نقصان پہنچایا گیا۔
سماجی رابطے کی ویب سائٹ ٹوئٹر پر ڈی جی آئی ایس پی آر نے کہا کہ جوانوں نے بھرپور کارروائی کرتے ہوئے بھارتی فوج کو شدید جانی نقصان پہنچایا جبکہ وادئ نیلم یا کرن سیکٹر میں بھاری توپ خانے کے استعمال یا فائرنگ کے تبادلے کی بھارتی خبر بے بنیاد ہے۔
Intermittent CFVs by Indian Army continue along LOC, being befittingly responded. In response to CFV in Dewa Sector reports of damage to Indian posts and heavy casualties to Indian soldiers. No major exchange of fire in Kiran or Neelum valley as being propagated by Indian Media.
— DG ISPR (@OfficialDGISPR) December 21, 2019
یاد رہے کہ اس سے قبل ڈی جی آئی ایس پی آر میجر جنرل آصف غفور نے لائن آف کنٹرول پر محاذ آرائی کے خلاف بھارت کو خبردار کرتے ہوئے کہا کہ پاکستان کی مسلح افواج کسی بھی محاذ آرائی کا بھرپور اور مؤثر جواب دیں گی، دشمن خبردار رہے۔
ٹوئٹر پر تین روز قبل اپنے پیغام میں ڈی جی آئی ایس پی آر میجر جنرل آصف غفور نے کہا کہ لائن آف کنٹرول کے قریب محاذ آرائی کے لیے تیاریاں کی جارہی ہیں اور بھارتی آرمی چیف اشتعال انگیز بیانات دے رہے ہیں۔
ترجمان پاک فوج میجر جنرل آصف غفور نے کہا کہ بھارتی آرمی چیف کے بیانات اور محاذ آرائی متنازعہ شہریت بل کے خلاف وسیع بنیادوں پر پورے ملک میں احتجاج سے دنیا کی توجہ ہٹانے کی کوشش معلوم ہوتی ہے۔
مزید پڑھیں: کسی بھی محاذ آرائی کا مؤثر جواب دیا جائے گا۔ڈی جی آئی ایس پی آر
