گوگل نیوز پر ہمیں فالو کریںکراچی واٹر اینڈ سیوریج کارپوریشن نے ایک بڑی پائپ لائن کی بحالی کے کام کی وجہ سے پیر سے شہر کے بعض علاقوں کو تین دن کے لیے پانی کی فراہمی معطل کرنے کا اعلان کیا ہے۔
جیل چورنگی کے قریب 66 انچ کی پائپ لائن پر نئے والو کی مرمت اور تنصیب کے لیے پیر 21 اکتوبر کو صبح 8بجے سے پانی کی فراہمی روک دی گئی ہے۔ یہ پائپ لائن اولڈ سٹی ٹرنک مین کا حصہ ہے مستقبل میں بہتر پانی کے بہاؤ کو یقینی بنانے کے لیے فوری مرمت کی ضرورت ہے۔
مرمت کے نتیجے میں شہر کو روزانہ تقریباً 200 ملین گیلن پانی کی کمی کا سامنا کرنا پڑے گا اور پانی کی فراہمی میں خلل تین دن تک رہنے کی توقع ہے۔
پانی کی فراہمی معطل ہونے سے درج ذیل علاقے متاثر ہوں گے۔
چنیسر ٹاؤن
جناح ٹاؤن
کیماڑی
کلفٹن
صدر
گلشن اقبال
جمشید ٹاؤن
لیاقت آباد
ناظم آباد
