گوگل نیوز پر ہمیں فالو کریںکراچی کے جناح انٹرنیشنل ایئرپورٹ پر پیر کے روز مختلف ایئرلائنز کی 14 بین الاقوامی اور ملکی پروازیں منسوخ کر دی گئیں، ان پروازوں کی منسوخی کی وجوہات میں مختلف عملی اور تکنیکی مسائل شامل تھے۔
منسوخ ہونے والی پروازوں میں سیرین ایئر، ایئر بلیو، ایئر سیال، پاکستان انٹرنیشنل ایئرلائنز (پی آئی اے)، بالٹک ایئر اور ایران ایئر کی پروازیں شامل تھیں۔
سیرین ایئر کی پرواز ای آر 811 جو کراچی سے جدہ کے لیے روانہ ہونا تھی، منسوخ کر دی گئی۔ اسی طرح ایئر بلیو کی پرواز پی اے 110 جو کراچی سے دبئی کے لیے روانہ ہونا تھی، وہ بھی منسوخ کر دی گئی۔
سیرین ایئر کی ایک اور پرواز ای آر 524 جو لاہور پہنچنے والی تھی اور ای آر 502 جو کراچی سے اسلام آباد کے لیے روانہ ہونا تھی، منسوخ کر دی گئیں۔
ایئر سیال کی پرواز پی ایف 145 جو کراچی سے لاہور کے لیے مقرر تھی اور ایئر بلیو کی پرواز پی اے 408 جو اسلام آباد کے لیے روانہ ہونا تھی، وہ بھی اڑان نہیں بھر سکی۔
ایئر سیال کی پرواز پی اے 125 جو نئے اسلام آباد انٹرنیشنل ایئرپورٹ پر اترنے والی تھی اور ایئر بلیو کی پرواز پی اے 208 جو کراچی سے اسلام آباد کے لیے روانہ ہونا تھی، منسوخ کر دی گئیں۔
پاکستان انٹرنیشنل ایئرلائنز کی پرواز پی کے 241 جو دمام کے لیے روانہ ہونا تھی اور پی کے 310 جو کراچی سے کوئٹہ کے لیے اڑان بھرنے والی تھی، وہ بھی متاثر ہوئیں۔
اسی طرح پی آئی اے کی مزید دو پروازیں پی کے 157 جو سلام کوٹ کے لیے اور پی کے 304 جو لاہور کے لیے روانہ ہونا تھی، منسوخ کر دی گئیں۔
بین الاقوامی پروازوں میں بالٹک ایئر کی پرواز او ڈی 135 جو کوالالمپور کے لیے روانہ ہونا تھی اور ایران ایئر کی پرواز ای آر 310 جو بحرین کے لیے اڑان بھرنے والی تھی، وہ بھی منسوخ کر دی گئیں۔
