گوگل نیوز پر ہمیں فالو کریںپاکستان سپر لیگ (پی ایس ایل) کے دسویں ایڈیشن کے آفیشل ترانے کے گلوکار کا اعلان کر دیا گیا ہے اور یہ کوئی اور نہیں بلکہ علی ظفر ہیں، جو پہلے بھی پی ایس ایل کے کئی یادگار ترانے گا چکے ہیں۔
رپورٹس کے مطابق معروف گلوکار علی ظفر ایک بار پھر پی ایس ایل کے لیے ترانہ گائیں گے۔
پی ایس ایل انتظامیہ نے اپنے سوشل میڈیا اکاؤنٹس پر سیزن 10 کے ترانے کا پوسٹر شیئر کیا جس میں علی ظفر کو منفرد انداز میں پیش کیا گیا جس نے مداحوں میں مزید جوش و خروش پیدا کر دیا۔
پی ایس ایل 10 کا آغاز 11 اپریل سے ہو گا اور یہ کراچی، لاہور، ملتان اور راولپنڈی میں 18 مئی تک جاری رہے گاتاہم اس اعلان کے بعد تنازعہ کھڑا ہو گیا ہے۔
ملتان سلطانز کے مالک علی خان ترین نے علی ظفر کو ایک بار پھر پی ایس ایل ترانے کے لیے منتخب کیے جانے پر ناراضگی کا اظہار کیا۔
علی ترین نے انسٹاگرام پر لکھا: “پاکستان میں بے شمار بہترین گلوکار موجود ہیں لیکن پی ایس ایل کے تقریباً نصف ترانے ایک ہی درمیانی عمر کے گلوکار کو دیے جا چکے ہیں حالانکہ فرنچائزز اس پر اعتراض بھی کر چکی ہیں۔
اگر پی ایس ایل کو سب سے بڑا ایونٹ بنانا ہے تو بار بار وہی پرانی آوازیں کیوں سنائی جا رہی ہیں؟یہ پانچواں موقع ہو گا جب علی ظفر پی ایس ایل کا ترانہ گائیں گے۔
اس سے قبل وہ “اب کھیل کے دکھا” (2016)، “اب کھیل جمے گا” (2017)، اور “دل سے جان لگا دے” (2018) جیسے مقبول ترانے گا چکے ہیں۔ چند سالہ وقفے کے بعد، 2024 میں انہوں نے “کھل کے کھیل” گایاحالانکہ گلوکارہ میشا شفیع کے ساتھ قانونی تنازع کے باعث ان کی واپسی میں کچھ رکاوٹیں آئیں۔
