گوگل نیوز پر ہمیں فالو کریںاسرائیل میں جنگلات میں لگی آگ نے بدترین تباہی مچادی ہے جس کے باعث اسرائیلی وزیراعظم بینجمن نیتن یاہو نے ملک میں قومی ایمرجنسی کا اعلان کر دیا ہے۔
دی گارڈین کے مطابق یہ آگ یروشلم کے قریب تیزی سے پھیل رہی ہے اور وہاں کے رہائشیوں کو شدید خطرات کا سامنا ہے۔ نیتن یاہو نے خبردار کیا کہ مغربی ہوا کے باعث آگ یروشلم شہر تک پہنچ سکتی ہے، اور اس صورت میں حالات مزید بدتر ہو سکتے ہیں۔
آگ کی شدت اور گرم ہوا نے جنگلات میں تیزی سے پھیلاؤ کو بڑھا دیا ہے جس کی وجہ سے متعدد افراد زخمی ہو چکے ہیں اور درجنوں گھروں کو خطرہ لاحق ہو گیا ہے۔
اسرائیل کے میگن ڈیوڈ ایڈوم (ایم ڈی اے) ایجنسی نے بتایا کہ تقریباً 23 افراد کو طبی امداد فراہم کی گئی ہے جن میں سے 13 کو اسپتال منتقل کیا گیا۔ ان میں دو حاملہ خواتین اور دو بچے بھی شامل ہیں جو ابھی ایک سال سے کم عمر کے تھے۔
آگ سے متاثرہ علاقے میں حالات انتہائی سنگین ہیں اور اس آگ کو بجھانے کے لئے اسرائیلی فوج اور فائر فائٹرز کی ٹیمیں بھرپور کوششیں کر رہی ہیں۔
ایمرجنسی سروسز نے عوام سے اپیل کی ہے کہ وہ متاثرہ علاقوں کی طرف جانے سے گریز کریں۔ پولیس نے یروشلم اور تل ابیب کے درمیان مرکزی ہائی وے کو بند کر دیا ہے اور متعدد رہائشیوں کو محفوظ مقامات پر منتقل کیا گیا ہے۔
اسرائیلی وزیر برائے قومی سلامتی، اتمار بین گویر نے اس بات کا عندیہ دیا ہے کہ آگ لگانے میں جان بوجھ کر کا ہاتھ ہو سکتا ہے۔ پولیس نے مشتبہ افراد کو گرفتار کیا ہے جن پر آگ لگانے کا الزام ہے، تاہم اس حوالے سے مزید تحقیقات جاری ہیں۔
اس دوران اسرائیل نے یونان، قبرص، کروشیا، اٹلی اور بلغاریہ سے مدد طلب کی ہے۔ اٹلی اور کروشیا نے اسرائیل کی مدد کے لیے اپنے طیارے بھیجے ہیں تاکہ آگ پر قابو پایا جا سکے۔
یہ واقعہ اسرائیل کے لئے ایک سنگین امتحان ہے اور اس نے ملک کے داخلی حالات کو مزید پیچیدہ کر دیا ہے۔ خدا کی طرف سے یہ ایک عبرت ناک عذاب ہے، جو اسرائیل کے مظالم اور ظلم کے اثرات کا غماز ہے اور اس وقت یہ واضح پیغام ہے کہ اللہ کی حکمت سے کوئی بچ نہیں سکتا۔
