گوگل نیوز پر ہمیں فالو کریںحکومتِ پنجاب نے اہم قدم اٹھاتے ہوئے صوبے بھر کے تعلیمی اداروں میں سردی کی چھٹیوں میں 6 روز اضافہ کرنے کی منظوری دی ہے۔چھٹیوں میں اضافے کا فیصلہ سردی کی شدت کے باعث کیا گیا۔
لاہور سمیت پنجاب کے تمام تعلیمی اداروں میں سردی کی چھٹیاں 12 جنوری تک بڑھا دی گئی ہیں جبکہ صوبے کے تعلیمی ادارے مزید 6 روز تک بند رہیں گے۔
تعطیلات میں اضافے کی خبر کی تصدیق کرتے ہوئے وزیر تعلیم پنجاب مراد راس نے کہا کہ چھٹیاں بڑھانے کا فیصلہ سخت سردی کے باعث کیا گیا ہے۔
وزیر تعلیم پنجاب مراد راس نے کہا کہ تعلیمی ادارے مزید 6 روز تک بند رکھے جائیں گے۔ تعلیمی اداروں میں زیر تعلیم طلبہ کی چھٹیاں 12 جنوری تک بڑھا دی گئی ہیں۔
اس حوالے سے سماجی رابطے کی ویب سائٹ ٹوئٹر پر وفاقی وزیر برائے ماحولیاتی تبدیلی زرتاج گل وزیر نے حکومتِ پنجاب سے جاری کردہ نوٹیفیکیشن شیئر کیا اور بتایا کہ موسم کی صورتحال کے پیش نظر سرما تعطیلات میں اضافہ کردیا گیا ہے۔
موسم کی صورتحال کے پیش نظر پنجاب کے سکولوں میں موسم سرما کی تعطیلات میں اضافہ کر دیا گیا ہے
In the wake of weather conditions in Punjab, Minister School Edu @DrMuradPTI has extended winter vacations to 12th Jan 2020.
All Schools (Public & Private) will re-open on 13th Jan. pic.twitter.com/C8C5gkY5ov— Zartaj Gul Wazir (@zartajgulwazir) January 6, 2020
یاد رہے کہ اس سے قبل محکمہ موسمیات نے اعلان کیا کہ شہرِ قائد سمیت ملک کے متعدد شہروں میں آج بارش کے واضح امکانات ہیں جبکہ بلوچستان کے شمالی اضلاع میں شدید بارش ہوگی۔
اعلان کے مطابق سندھ کے متعدد شہروں کے ساتھ ساتھ بلوچستان، خیبر پختونخواہ، اسلام آباد، پنجاب، گلگت بلتستان اور آزاد کشمیر میں اکثر مقامات پر بارش کی توقع ہے۔
پیش گوئی کے مطابق بالائی سندھ میں چند مقامات پر بارش ہوگی جبکہ پہاڑی علاقوں میں برف باری کا امکان ہے۔ بلوچستان کے شمالی علاقوں میں تیز بارش کے ساتھ ساتھ برفباری کا بھی امکان ہے۔
مزید پڑھیں: ملک کے متعدد شہروں میں بارش کا اعلان
