گوگل نیوز پر ہمیں فالو کریںمحکمہ موسمیات کے مطابق بحیرہ عرب میں موجود ہوا کا کم دباؤ شدت اختیار کرتے ہوئے ڈپریشن میں تبدیل ہوگیا ہے۔ یہ سسٹم کراچی سے تقریباً 1058 کلومیٹر جنوب مشرق میں موجود ہے اور مشرق کی جانب حرکت کر رہا ہے۔
محکمہ موسمیات نے بتایاکہ فی الحال پاکستان کے کسی ساحلی علاقے کو اس سے کوئی خطرہ نہیں ہے۔ یہ سسٹم بھارتی ساحل سے گزرنے کے بعد کمزور ہونا شروع ہوجائے گا۔
محکمہ موسمیات نے مزید بتایا کہ اس سسٹم کے زیر اثر کراچی سمیت سندھ میں ہیٹ ویو آنے کا خدشہ تھا تاہم سسٹم کے کمزور ہونے سے ہیٹ ویو کا امکان بھی ختم ہوگیا ہے۔ سمندری ہوائیں بحال رہیں گی جس سے موسم میں نرمی آئے گی۔
ماضی میں بھی بحیرہ عرب میں کم دباؤ کے سسٹمز نے کراچی میں ہیٹ ویو کی صورتحال پیدا کی ہے لیکن اس بار سسٹم کے کمزور ہونے سے شہریوں کو راحت ملی ہے۔ محکمہ موسمیات نے کراچی کا موسم خوشگوار رہنے کا امکان ہے۔
ماہرین نے کہا کہ شہریوں کو احتیاطی تدابیر اختیار کرنے کی ضرورت ہے، خاص طور پر بچوں، بزرگوں اور خواتین کو دھوپ سے بچنے، پانی کا زیادہ استعمال کرنے اور کم سے کم باہر نکلنے کی ہدایت کی گئی ہے۔
