گوگل نیوز پر ہمیں فالو کریںپاکستانیوں کو معاشی تنگی کے طعنے دینے والے نریندر مودی کے چمکتے دمکتے بھارت میں قرض اور غربت سے تنگ آکر پورے خاندان نے کار میں اجتماعی خودکشی کرلی۔
بھارتی اخبار ’انڈیا ٹوڈے‘ کی رپورٹ کے مطابق ریاست اتراکھنڈ کے شہر ڈہرادون سے تعلق رکھنے والے 7 افراد پر مشتمل ایک خاندان نے ہریانہ کے شہر پنچکولہ میں کار میں زہر کھا کر اجتماعی خودکشی کرلی۔
ریاست اتراکھنڈ کے شہر ڈہرادون سے تعلق رکھنے والے سات افراد پر مشتمل ایک خاندان نے معاشی بدحالی اور قرض کے بوجھ تلے دب کر ہریانہ کے شہر پنچکولہ میں اجتماعی خودکشی کرلی۔ پولیس کے مطابق یہ افسوسناک واقعہ اس وقت پیش آیا جب خاندان ایک مذہبی تقریب میں شرکت کے بعد واپس جا رہا تھا۔
واقعے کی اطلاع اس وقت ملی جب ایک مقامی شہری نے گاڑی میں بے سدھ افراد کو دیکھا اور پولیس کو اطلاع دی۔ موقع پر پہنچ کر پولیس نے دیکھا کہ کار میں موجود افراد زہر کھانے کے بعد نیم مردہ حالت میں تھے۔ ایک شخص نے مرتے وقت یہ بتایا کہ وہ سب قرض میں ڈوبے ہوئے تھے اور یہی ان کی خودکشی کی وجہ بنی۔
پولیس کا کہنا ہے کہ گاڑی سے خودکشی کا نوٹ بھی برآمد ہوا ہے، جبکہ لاشوں کو پوسٹ مارٹم کے لیے منتقل کر دیا گیا ہے۔ فارنزک ٹیم نے جائے وقوعہ سے شواہد جمع کر لیے ہیں اور واقعے کی مزید تحقیقات جاری ہیں۔
مرنے والوں میں 42 سالہ پربین متل، ان کی بیوی، دو بیٹیاں، ایک بیٹا اور والدین شامل ہیں۔ اس سانحے نے ایک بار پھر بھارت میں بڑھتے ہوئے قرض، غربت، اور مالی دباؤ کو آشکار کر دیا ہے، جس نے معاشرتی توازن کو ہلا کر رکھ دیا ہے۔
یہ واقعہ صرف ایک خاندان کا المیہ نہیں بلکہ پورے معاشرے کے لیے ایک گھنٹی ہے کہ معاشی ناہمواری، غیر محفوظ قرض نظام اور عدم تحفظ کس طرح انسانی زندگیاں نگل رہا ہے۔
یہ واقعہ ایک بار پھر بھارت میں بڑھتی ہوئی معاشی ناہمواری، غربت، اور حکومتی دعوؤں کی حقیقت پر سوالیہ نشان بن گیا ہے۔
