گوگل نیوز پر ہمیں فالو کریںسپریم کورٹ آف پاکستان کے سینئر جج جسٹس جمال خان مندوخیل کی والدہ بروز ہفتہ کوئٹہ میں انتقال کر گئیں۔
والدہ کے انتقال کی اطلاع ملتے ہی جسٹس جمال مندوخیل فوری طور پر اپنے آبائی علاقے بلوچستان روانہ ہو گئے، جہاں ان کی والدہ کی تدفین عمل میں آئے گی۔
جسٹس جمال مندوخیل کی غیر موجودگی کے باعث پیر کے روز ہونے والی ریزرو نشستوں کے مقدمے کی سماعت ملتوی ہونے کا امکان ہے۔
سپریم کورٹ آف پاکستان، اسلام آباد ہائی کورٹ، لاہور ہائی کورٹ، اور مختلف بار ایسوسی ایشنز کے تمام ججز نے جسٹس جمال مندوخیل کی والدہ کے انتقال پر گہرے رنج و غم کا اظہار کیا ہے۔
اپنے تعزیتی پیغام میں انہوں نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور پسماندگان کو یہ عظیم صدمہ صبر و ہمت کے ساتھ برداشت کرنے کی توفیق دے۔
