گوگل نیوز پر ہمیں فالو کریںضلع مردان کے علاقے کتلان کی پہاڑی وادی بابوزئی میں فائرنگ کے دو الگ الگ واقعات میں چار افراد جاں بحق ہوگئے جن میں تین سرکاری ملازمین شامل تھے۔
واقعے کے فوراً بعد پولیس نے علاقے کو گھیرے میں لے کر سرچ آپریشن شروع کر دیا جبکہ جاں بحق افراد کی لاشیں اسپتال منتقل کر دی گئیں۔
دوسری جانب صوابی میں جمعہ اور ہفتہ کی درمیانی شب نامعلوم افراد کی فائرنگ سے دو پولیس اہلکار شہید ہو گئے۔
واقعہ آئی ڈی ایس پولیس اسٹیشن کی حدود میں پیش آیا، جہاں دونوں اہلکار ایک ہوٹل پر کھانا کھا رہے تھے کہ حملہ آوروں نے ان پر اندھا دھند گولیاں برسا دیں، جس کے نتیجے میں دونوں موقع پر ہی شہید ہو گئے۔
حملہ آور واردات کے بعد فرار ہونے میں کامیاب ہو گئے۔شہید ہونے والوں کی شناخت کانسٹیبل جمال دین اور ڈرائیور زاہد کے نام سے ہوئی ہے، جن کی لاشیں اسپتال منتقل کر دی گئی ہیں۔
واقعے کے بعد پولیس کی بھاری نفری جائے وقوعہ پر پہنچ گئی اور علاقے کو گھیرے میں لے کر سرچ آپریشن کا آغاز کر دیا گیا ہے تاکہ ملزمان کو گرفتار کیا جا سکے۔
