گوگل نیوز پر ہمیں فالو کریںاداکارہ نیلم منیر اور ان کے شوہر محمد راشد کے درمیان محبت سے بھرپور سوشل میڈیا پر ہونے والی گفتگو نے انٹرنیٹ پر دھوم مچا دی ہے جس نے مداحوں کو نہ صرف خوشگوار حیرت میں مبتلا کر دیا بلکہ جوڑی کو بے شمار دعائیں اور محبتیں بھی سمیٹنے کا موقع دیا۔
نیلم منیر نے حال ہی میں اپنے انسٹاگرام اکاؤنٹ پر اپنے شوہر کی ایک ویڈیو پر تبصرہ کرتے ہوئے لکھا کہ ماشاءاللہ، اللہ آپ کو لمبی عمر، رزق اور صحت دے، آمین۔
یہ ویڈیو محمد راشد کی تھی جس میں وہ سیاہ شرٹ اور پینٹ کے ساتھ سفید جوتے پہنے ایفل ٹاور کے سامنے اعتماد سے چلتے دکھائی دے رہے ہیں۔
نیلم کے اس محبت بھرے پیغام پر محمد راشد نے نہایت دلکش انداز میں جواب دیا اور تبصرے میں صرف دو الفاظ لکھے کہ میری زندگی،ساتھ ہی دل کی شکل والے ایموجی بھی شامل کیے، جس نے مداحوں کے دل پگھلا دیے۔
یہی نہیں، اداکارہ نے حال ہی میں انسٹاگرام پر ایک سوال و جواب سیشن بھی رکھا جس میں مداحوں نے ان کی ذاتی و پیشہ ورانہ زندگی کے بارے میں مختلف سوالات کیے۔ اسی دوران ایک مداح نے پوچھا کہ راشد بھائی کیا کرتے ہیں؟۔
اس کے جواب میں نیلم نے نہایت برجستہ اور مزاحیہ انداز میں جواب دیا کہ مجھ سے محبت۔
ان کے اس جواب نے سوشل میڈیا صارفین کے چہروں پر مسکراہٹ بکھیر دی اور نیلم کی حاضر جوابی کو خوب سراہا گیا۔ مداحوں نے تبصرے کیے کہ یہ جوڑا نہ صرف خوبصورت ہے بلکہ ذہانت اور مزاح سے بھی بھرپور ہے۔
واضح رہے کہ نیلم منیر نے حال ہی میں محمد راشد سے شادی کی ہے، جو دبئی پولیس کے کرائم انویسٹی گیشن ڈیپارٹمنٹ میں افسر ہیں۔ شادی کی تقریب دبئی میں منعقد ہوئی، اور محمد راشد کا تعلق میانوالی، پاکستان سے ہے، جبکہ وہ 2006 سے دبئی میں مقیم ہیں۔
یہ خوشگوار لمحات اور سوشل میڈیا پر ہونے والی محبت بھری گفتگو اس بات کا مظہر ہیں کہ نیلم اور راشد کی جوڑی صرف حقیقی زندگی میں ہی نہیں، بلکہ سوشل میڈیا پر بھی لوگوں کے دل جیت رہی ہے۔
