گوگل نیوز پر ہمیں فالو کریںبین الاقوامی مارکیٹ میں مندی کے اثرات کے باعث پاکستان میں سونے کی قیمت میں بدھ کے روز مزید کمی ریکارڈ کی گئی۔
آل پاکستان صرافہ اینڈ جیولرز صرافہ ایسوسی ایشن کے مطابق مقامی مارکیٹ میں فی تولہ سونا 200 روپے سستا ہو کر 3 لاکھ 58 ہزار 100 روپے پر فروخت پہنچ گیا ہے۔
اسی طرح 10 گرام سونے کی قیمت 171 روپے کم ہو کر 3 لاکھ 7 ہزار 13 روپے پر پہنچ گئی۔ گزشتہ روز (منگل) کو بھی فی تولہ سونے کی قیمت میں 500 روپے کمی ریکارڈ کی گئی تھی۔
عالمی مارکیٹ میں بھی سونے کی قیمتوں میں کمی دیکھنے میں آئی، جہاں فی اونس سونا 2 ڈالر کمی کے بعد 3,354 ڈالر (20 ڈالر پریمیم سمیت) پر ٹریڈ ہوا۔
چاندی کی قیمت میں بھی نمایاں کمی ہوئی، مقامی مارکیٹ میں فی تولہ چاندی 59 روپے سستی ہو کر 4 ہزار 72 روپے پر آ گئی۔ماہرین کے مطابق عالمی مارکیٹ میں طلب میں کمی اور سرمایہ کاروں کی جانب سے محتاط رویہ اس کمی کی بنیادی وجوہات ہیں۔
