گوگل نیوز پر ہمیں فالو کریںملتان کے علاقے شیر شاہ روڈ گارڈن ٹاؤن میں ایک افسوسناک واقعہ پیش آیا جہاں مسلم لیگ (ن) کے رہنما میاں سلمان قریشی کے بیٹے نے لڑکی کی سکوٹی کو ٹکر ماردی اور لڑکی کو سرعام سڑک پر تشدد کا نشانہ بنانا گیا۔
عینی شاہدین کے مطابق 16 اگست کے روز میاں سلمان قریشی کا بیٹا گاڑی میں جا رہا تھا جبکہ ایک لڑکی اپنی سکوٹی پر ساتھ ساتھ سفر کر رہی تھی۔
اسی دوران مبینہ طور پر لڑکے نے جان بوجھ کر اسکوٹی کو ٹکر ماری جس کے نتیجے میں لڑکی سڑک پر گر گئی۔ لڑکی نے اٹھ کر اپنا ردِعمل ظاہر کرتے ہوئے گاڑی پر پتھر ماراجس کے بعد صورتحال کشیدہ ہوگئی۔
اطلاعات کے مطابق اسی دوران ملزم کی والدہ اپنے گھریلو ملازمین کے ہمراہ موقع پر پہنچیں اور لڑکی کے ساتھ بدسلوکی کی۔
میاں سلمان قریشی کا بیٹا گاڑی میں جا رہا تھا کے ساتھ سے اک لڑکی سکوٹی پے جا رہی تھی اس کے بیٹے نے جان بوجھ کر ٹکر ما ری لڑکی نیچے گر گئی لڑکی نے ا ٹھ کر گاڑی میں پتھر مار دیا
اتنی دیر میں لڑکے کی والدہ اپنے ملازمین کے ساتھ آ گی اور لڑکی کو مارنا شروع کر دیا pic.twitter.com/4jNbGE640D— صحرانورد (@Aadiiroy2) August 17, 2025
چشم دید گواہوں کا کہنا ہے کہ لڑکی مارپیٹ کے بعد زبردستی گاڑی میں بٹھا کر اپنے ڈیرے پر لے جانے کی کوشش بھی کی گئی۔ اس واقعے کے باعث علاقے میں خوف و ہراس پھیل گیا جبکہ شہریوں کی بڑی تعداد موقع پر جمع ہوگئی۔
مقامی رہائشیوں نے واقعے کی شدید مذمت کی اور انتظامیہ سے مطالبہ کیا کہ متاثرہ لڑکی کو انصاف فراہم کیا جائے اور ذمے داران کے خلاف کارروائی عمل میں لائی جائے۔
