گوگل نیوز پر ہمیں فالو کریںاداکارہ جیکلین فرنانڈیز نے اپنی تازہ اور گلیمرس تصاویر سے ایک بار پھر مداحوں کے دل گرما دیئے ہیں، انہوں نے اپنے انسٹاگرام پر کچھ ایسی تصاویر شیئر کی ہیں جنہوں نے سوشل میڈیا پر ہلچل مچا دی، یہ تصاویر دیکھتے ہی دیکھتے وائرل ہو گئیں اور مداحوں کی جانب سے ان کی خوبصورتی کی تعریفوں کے پل باندھے جا رہے ہیں۔
جیکلین نے اپنی تصاویر میں ایک شاندار انداز اپنایا جہاں وہ براؤن رنگ کے ٹائیگر پرنٹ ڈریس میں دلکش پوز دیتی نظر آ رہی ہیں۔ کم سے کم میک اپ کے باوجود ان کی خوبصورتی اور دلکشی مداحوں کے دلوں کو موہ لینے والی ہے۔ خاص طور پر ان کی آنکھوں کی چمک نے سب کو متاثر کیا ہے۔
ان تصاویر میں جیکلین اپنے فٹ اور ٹونڈ فگر کو نہایت خوبصورتی سے پیش کرتی دکھائی دیتی ہیں جو ان کے مداحوں کے لیے کسی تحفے سے کم نہیں۔ سوشل میڈیا پر ان کے پرستار ان کی تعریف میں رطب اللسان ہیں۔ کچھ مداحوں نے کمنٹس میں انہیں خوبصورت اور حسین جیسے القابات سے نوازا جبکہ دیگر نے ان کی تصاویر کو شاندار قرار دیا۔
یاد رہے کہ جیکلین آخری بار فلم ہاؤس فل 5 میں نظر آئی تھیں۔ اطلاعات ہیں کہ وہ اب تیلگو سنیما میں ایک نئے پروجیکٹ پر کام کرنے کی تیاری کر رہی ہیں۔ کہا جا رہا ہے کہ وہ ایک مشہور تیلگو فلم ساز کے ساتھ خواتین پر مبنی فلم کے لیے بات چیت کر رہی ہیں لیکن اس بارے میں ابھی تک کوئی حتمی اعلان نہیں ہوا۔
