گوگل نیوز پر ہمیں فالو کریںبالی ووڈ کی مقبول اداکارہ و گلوکارہ شہناز گل نے اپنی نئی فلم اک کُڑی کے گانے وین اینڈ ویئر سے شاندار تصویر انسٹاگرام پر شیئر کی جس کو دیکھ کر مداحوں کی بڑی تعداد نے تعریفوں کے ڈھیر لگا دیے۔
شہناز گل نے اس گانے میں چیتا پرنٹ کے دلکش لباس کے ساتھ منفرد ویٹ لک اسٹائل اپنایا ہے، جس نے ان کے فینز کو بے حد متاثر کیا۔
تصویر کے منظر عام پر آتے ہی سوشل میڈیا پر شہناز گل ٹرینڈ کرنے لگیں، جہاں صارفین نے ان کی اسٹائلش جھلک کو نہ صرف پسند کیا بلکہ بڑی تعداد میں شیئر اور کمنٹس بھی کیے۔
ناقدین کے مطابق شہناز گل نے اس گانے کے ذریعے اپنی پرفارمنس اور فیشن سینس کو ایک نئی سطح پر پہنچا دیا ہے، جو ان کے بڑھتے ہوئے کریئر کو مزید کامیابی کی طرف لے جا رہا ہے۔
اداکارہ کی یہ فلم اک کُڑی رواں سال ریلیز کے لیے تیار ہے اور مداح بے صبری سے اس کا انتظار کر رہے ہیں۔ فلمی حلقوں کا کہنا ہے کہ شہناز گل اس فلم کے ذریعے اپنی اداکاری کے نئے رنگ سامنے لائیں گی۔
