گوگل نیوز پر ہمیں فالو کریںگرین ٹی وی انٹرٹینمنٹ کا مقبول ڈرامہ سیریل دو کنارے اپنی قسط 54 کے ساتھ ناظرین کے سامنے پیش کیا گیا، اس تازہ قسط کو شائقین کی جانب سے بھرپور پذیرائی ملی اور یوٹیوب پر اسے لاکھوں ویوز حاصل ہو گئے۔
کہانی ولید (جنید خان) کے گرد گھومتی ہے جو سنگین سانس کی بیماری میں مبتلا ہونے کے باوجود اپنے سوتیلے بہن بھائیوں کو اپنی اولاد کی طرح چاہتا ہے۔
اس کی زندگی اس وقت بدلتی ہے جب وہ شادی کے بعد ایک ایسی عورت کو گھر لاتا ہے جس کا مقصد صرف اس کے مال و دولت پر قبضہ کرنا اور بہن بھائیوں کے درمیان محبت کے رشتے کو توڑنا ہے۔
قسط 54 میں بھی لالچ، سازش اور وفاداری کے درمیان کشمکش عروج پر دکھائی گئی، جب کہ کہانی بتاتی ہے کہ انسان جو بھی منصوبے بنائے، اللہ کی تقدیر اس سے بڑی ہے۔
ڈرامہ رشتوں کی محبت، دھوکے، لالچ اور خدائی انصاف کے امتزاج کو نہایت حقیقت پسندانہ انداز میں اجاگر کر رہا ہے، جس نے ناظرین کے دل جیت لیے ہیں۔
اہم کرداروں میں جنید خان بطور ولید، مومنا اقبال بطور درشہوار، حرا سومرو، عرشیان خان، کمال انم، اختر حسنین، عائشہ خان، رضوان جعفری، آمنہ ملک، سیمی پاشا، سہیل مسعود، آغا طلال، انوشے فاطمہ، زرافشاں، عدنان جیلانی شامل ہیں ۔
ڈرامہ کے ہدایت کار سید فیصل بخاری ہیں جبکہ کہانی معروف لکھاری ریحانہ آفتاب نے تحریر کی ہے۔ یہ سیریل ملٹی ورس انٹرٹینمنٹ کے بینر تلے تیار کیا گیا ہے۔
دو کنارے کی موجودہ قسط نے ایک بار پھر یہ سوال اٹھا دیا ہے کہ محبت اور رشتوں کی اصل طاقت لالچ اور خودغرضی پر کب اور کیسے غالب آتی ہے۔
شائقین اب بے صبری سے آنے والی اقساط کے منتظر ہیں تاکہ دیکھ سکیں کہ ولید اور اس کے بہن بھائیوں کی جدوجہد کا انجام کیا رخ اختیار کرتا ہے۔
