گوگل نیوز پر ہمیں فالو کریںقلعہ گجر سنگھ سے اغوا ہونے والی لڑکی کو فرینڈلی پیٹرولنگ یونٹ نے ڈیفنس رایا سے بازیاب کروا لیا۔
ترجمان ڈولفن کے مطابق بے یار و مددگار پریشان لڑکی ڈیفنس رایا پر کھڑی تھی، ایف پی یو ٹیم میں مامور لیڈی پولیس آفیشل نے اسے دیکھ کر فوری طور پر اپنی حفاظتی تحویل میں لے لیا۔
اس موقع پر لڑکی نے فرینڈلی پیٹرولنگ یونٹ ٹیم کو ٹک ٹاک پر ہونے والی اس کی ایک لڑکے کے ساتھ دوستی سے ڈیفنس رایا تک کی آپ بیتی بیان کی۔
لڑکی کے اغوا کا مقدمہ تھانہ قلعہ گجر سنگھ میں درج ہے، فرینڈلی پیٹرولنگ یونٹ نے فوری طور پر 15 سالہ مریم کے والدین سے رابطہ کیا۔
والدین و قلعہ گجر سنگھ پولیس کے پہنچنے تک لڑکی کو تھانہ ڈیفنس سی کی حفاظتی تحویل میں رکھا گیا تھا۔
