گوگل نیوز پر ہمیں فالو کریںامریکا میں کوسٹا ریکا کے ساحل کے قریب ماہی گیر نے ایک نایاب اور منفرد شارک مچھلی دیکھی ہے جس کا رنگ نارنجی اور آنکھیں سفید ہیں۔ یہ شارک تقریباً 6 فٹ 6 انچ لمبی تھی اور اس کی رنگت میں زینتھ ازم (Xanthism) نامی ایک خاص حالت پائی جاتی ہے جس کی وجہ سے اس کا نارنجی رنگ نمایاں ہوتا ہے جبکہ اس شارک میں البینزم (Albinism) بھی ہو سکتا ہے جس کی وجہ سے آنکھیں سفید نظر آتی ہیں۔
سائنسدانوں نے اس دریافت کو خاص اہمیت دی ہے کیونکہ اس طرح کی شارک بہت نایاب ہوتی ہے۔ یہ پہلا موقع ہے جب کسی شارک میں اس قسم کا رنگ دیکھا گیا ہے۔ ماہی گیر گارون واٹسن نے بتایا کہ وہ تورٹوگیرو نیشنل پارک کے قریب مچھلی پکڑنے گیا تھا جب اسے یہ منفرد شارک نظر آئی۔
View this post on Instagram
یہ شارک کی تصاویر سمندری حیاتیات کے ایک جریدے میں بھی شائع کی گئی ہیں اور ماہرین اس پر مزید تحقیق کر رہے ہیں کہ اس کی رنگت اور خصوصیات کس طرح بنیں۔
