گوگل نیوز پر ہمیں فالو کریںوفاقی وزیر دفاع خواجہ آصف نے سیالکوٹ کی ایک سڑک پر گڑھوں والی ناقص حالت کی ویڈیو سوشل میڈیا پر شیئر کی ہے اور انکشاف کیا ہے کہ اس منصوبے کو مکمل کرنے والا ٹھیکیدار ایک رکن پارلیمنٹ ہے جس کے پاس بے پناہ دولت ہے۔
خواجہ آصف کے مطابق یہ پی آئی سی آئی آئی پی کا پراجیکٹ ہے جس کے لیے ورلڈ بینک سے قرضہ لیا گیا ہے اور یہ کام سیالکوٹ اور ساہیوال میں کئی سالوں سے جاری ہے۔ ویڈیو میں دکھایا گیا ہے کہ سیالکوٹ کی خادم علی روڈ پر اس ٹھیکیدار نے نیچے پائپ بچھائے ہیں جس سے کام کے خراب معیار کا اندازہ ہوتا ہے۔
یہ ایک پراجیکٹ ھے جس کا نام PICIIP ھے سینکڑوں ڈالر کا ورلڈ بینک کا قرضہ دو شہروں سیالکوٹ اور ساہیوال میں کئی سال سے کام ھو رہا ھے۔ کام کی کوالٹی کا آپ اس وڈیو سے اندازہ لگا لیں۔ یہ سیالکوٹ میں خادم علی روڈ ھے اور اسکے نیچے PICCIP کے ٹھیکدار نے پائپ ڈالے ھیں ۔ اس سے باقی کام کی… pic.twitter.com/UA019UFOSh
— Khawaja M. Asif (@KhawajaMAsif) August 29, 2025
وزیر دفاع نے مزید کہا کہ اس منصوبے کا مالی پشت پناہ بہت طاقتور ہے اور وہی رکن پارلیمنٹ ہے جس کا حلقہ یہ ہے۔ ان کا کہنا تھا کہ دولت کی کوئی حد نہیں اور شاید اس وجہ سے احتساب کا عمل بھی مشکل ہے لیکن وہ اپنی ذمہ داری سمجھ کر آواز بلند کر رہے ہیں۔
یاد رہے کہ چند روز قبل بھی خواجہ آصف نے سوشل میڈیا پر سڑکوں اور پلوں کی تعمیر میں کرپشن کے خلاف آواز بلند کی تھی اور اب یہ نیا انکشاف سب کی توجہ کا مرکز بن گیا ہے۔
