گوگل نیوز پر ہمیں فالو کریںمشرقی افغانستان میں حالیہ زلزلے نے بڑے پیمانے پر تباہی مچائی دی ہے جس میں جاں بحق افراد کی تعداد 622 تک جا پہنچی ہے۔ افغان میڈیا کے مطابق یہ زلزلہ رات گئے مقامی وقت کے مطابق 11 بج کر 47 منٹ پر آیا جس کی شدت 6.0 ریکارڈ کی گئی۔ اس کے تقریباً 20 منٹ بعد ایک اور جھٹکا محسوس کیا گیا جس کی شدت 4.5 تھی۔
امریکی جیولوجیکل سروے کے مطابق زلزلے کا مرکز صوبہ ننگرہار کے شہر جلال آباد سے 27 کلومیٹر مشرق میں تھا اور اس کی گہرائی تقریباً 8 کلومیٹر تھی۔
زلزلے کے نتیجے میں سب سے زیادہ متاثر ہونے والا علاقہ صوبہ کنڑ ہے جہاں سینکڑوں افراد جاں بحق اور ہزاروں زخمی ہوئے ہیں۔ کئی افراد اب بھی ملبے تلے دبے ہوئے ہیں جنہیں نکالنے کا کام جاری ہے۔
افغان وزارت داخلہ کے ترجمان مفتی عبدالمتین نے بتایا ہے کہ صرف کنڑ میں 610 افراد جان کی بازی ہار چکے ہیں جبکہ 1300 زخمی ہیں۔ ننگرہار میں بھی 12 افراد کی ہلاکت اور 225 کے زخمی ہونے کی اطلاع ہے۔ زلزلے نے کئی علاقوں میں شدید تباہی مچائی ہے اور امدادی کارروائیاں تاحال جاری ہیں۔
اقوامِ متحدہ نے افغانستان کے مشرقی علاقے میں آنے والے تباہ کن زلزلے پر گہرا دکھ اور افسوس کا اظہار کیا ہے جس نے سیکڑوں جانیں لے لیں اور بہت سے افراد کو زخمی کر دیا۔
The UN in Afghanistan is deeply saddened by the devastating earthquake that struck the eastern region & claimed hundreds of lives, injuring many more. Our teams are on the ground, delivering emergency assistance & lifesaving support. Our thoughts are with the affected communities pic.twitter.com/rCE6b3WzSU
— UN Afghanistan (@unafghanistan) September 1, 2025
ایکس (سابقہ ٹوئٹر) پر ایک بیان میں اقوامِ متحدہ کے حکام نے بتایا کہ ہماری ٹیمیں متاثرہ علاقوں میں موجود ہیں اور ہنگامی امداد و جان بچانے والی مدد فراہم کر رہی ہیں۔ ہماری ہمدردیاں متاثرہ کمیونٹیوں کے ساتھ ہیں۔
اقوامِ متحدہ کے سیکرٹری جنرل انتونیو گوٹیرس نے اپنے پیغام میں کہا کہ میں آج افغانستان میں آنے والے تباہ کن زلزلے کے بعد افغان عوام کے ساتھ مکمل یکجہتی کا اظہار کرتا ہوں۔
I stand in full solidarity with the people of Afghanistan after the devastating earthquake that hit the country earlier today.
I extend my deepest condolences to the families of the victims and wish a speedy recovery to those injured.
The @UN team in Afghanistan is mobilized…
— António Guterres (@antonioguterres) September 1, 2025
انہوں نے کہا کہ متاثرین کے اہل خانہ سے دلی تعزیت کرتا ہوں اور زخمیوں کی جلد صحتیابی کے لیے نیک تمناؤں کا اظہار کرتا ہوں۔
سیکرٹری جنرل انتونیو گوٹیرس کا کہنا تھا کہ اقوامِ متحدہ کی ٹیم افغانستان میں متحرک ہے اور متاثرہ علاقوں میں ضرورت مندوں کی مدد کے لیے کوئی کسر اٹھا نہ رکھے گی۔
