گوگل نیوز پر ہمیں فالو کریںمحکمہ موسمیات نے اپنے موسمی الرٹ میں کہا ہے کہ اسلام آباد، راولپنڈی، میرپور، مری، گلیات اور گردونواح میں اگلے دو سے چار گھنٹوں کے دوران تیز ہواؤں اور گرج چمک کے ساتھ بارش متوقع ہے۔
رپورٹ کے مطابق کشمیر، وادی نیلم، مظفرآباد، راولا کوٹ، پونچھ، ہٹیاں بالا، باغ، ایبٹ آباد، سدھنوتی، کوٹلی، بھمبر اور ملحقہ علاقوں میں بھی بارش کے ساتھ طوفانی ہوائیں اور گرج چمک کا امکان ہے۔
مزید برآں نارووال، سیالکوٹ، لاہور، قصور، جہلم، حافظ آباد، گوجرانوالہ، گجرات، شیخوپورہ، مانسہرہ اور ہری پور میں بھی بارش کے امکانات ظاہر کیے گئے ہیں۔ محکمہ موسمیات کا کہنا ہے کہ اس دوران چند دیگر مقامات پر بھی موسلا دھار بارش ہوسکتی ہے۔
عوام کو ہدایت کی گئی ہے کہ خراب موسم کے دوران احتیاطی تدابیر اختیار کریں تاکہ کسی بھی ناخوشگوار صورتحال سے محفوظ رہا جا سکے۔
