گوگل نیوز پر ہمیں فالو کریںکراچی کی شیرشاہ کالونی یو سی 6 محمدی روڈ امام بارگاہ کے قریب افسوسناک واقعہ پیش آیا جہاں مین ہول کا ڈھکن نہ ہونے کی وجہ سے ایک نابینا شخص گٹر میں جا گرا۔
واقعہ کے فوراً بعد علاقہ مکینوں نے بہادری کا مظاہرہ کرتے ہوئے نابینا شخص کو نکال کر محفوظ مقام پر منتقل کر دیا۔
یہ بہت افسوسناک واقع
کراچی ۔ شیرشاہ کالونی یو سی 6 محمدی روڈ امام بارگاہ کے قریب مین ہول کا ڈھکن نہ ہونے کے باعث ایک نابینا شخص گٹر میں جا گرا۔ علاقہ مکینوں نے فوری طور پر اسے نکال کر محفوظ مقام پر منتقل کر دیا۔ شہریوں نے انتظامیہ سے مطالبہ کیا ہے کہ مین ہولز کے ڈھکن فوری طور پر… pic.twitter.com/8POyKfrzNW
— صحرانورد (@Aadiiroy2) September 8, 2025
عینی شاہدین کے مطابق علاقے میں کھلے مین ہولز شہریوں کے لیے مستقل خطرہ بنے ہوئے ہیں لیکن متعلقہ ادارے اس سنگین مسئلے کو نظرانداز کر رہے ہیں۔
شہریوں نے سخت غم و غصے کا اظہار کرتے ہوئے کہا کہ اگر فوری اقدامات نہ کیے گئے تو کسی بڑے حادثے کا خدشہ موجود ہے۔
علاقہ مکینوں نے انتظامیہ سے مطالبہ کیا ہے کہ فوری طور پر مین ہولز کے ڈھکن لگائے جائیں اور گٹر لائنز کے گرد حفاظتی اقدامات کو یقینی بنایا جائے تاکہ انسانی جانوں کو لاحق خطرات کو کم کیا جا سکے۔
یہ واقعہ ایک بار پھر اس امر کی نشاندہی کرتا ہے کہ شہر میں بنیادی بلدیاتی مسائل پر توجہ نہ دینے کے باعث قیمتی جانیں خطرے میں ہیں اور انتظامیہ کو فوری ایکشن لینے کی ضرورت ہے۔
