گوگل نیوز پر ہمیں فالو کریںپرینکا چوپڑا نے اپنے شوہر نک جونس کی 33ویں سالگرہ ایک پُراثر نوٹ کے ساتھ منائی، جس سے دونوں اسٹارز کے درمیان گہری محبت کی عکاسی ہوتی ہے۔
43 سالہ اداکارہ نے 2018 سے 2025 تک کے اپنے رشتے کے کچھ ان دیکھے لمحات بھی مداحوں کے ساتھ شیئر کیے۔
اپنے کیپشن میں انڈین اداکارہ نے لکھا: “آج جب ہم تمہارا جشن مناتے ہیں میرے پیار، میں ان تمام شاندار 16 سیپٹمبرز کو یاد کر رہی ہوں جو مجھے تمہارے ساتھ گزارنا نصیب ہوا۔ تمہارے ساتھ زندگی بانٹنے پر بے حد شکر گزار ہوں۔ ہم ہر روز تمہیں مناتے ہیں۔ یہ نذرانہ ہے 2025–2018 کے نام!”
انسٹاگرام پر پریانکا کی پوسٹ سامنے آتے ہی مداحوں نے فوری طور پر کمنٹس میں نک کو سالگرہ کی مبارکباد دی اور جوڑے کی محبت کو سراہا۔
پرینکا اور نک نے 2018 میں اودے پور، راجستھان میں ایک شاندار تقریب میں شادی کی تھی۔ 2022 میں انہوں نے سروگیسی کے ذریعے اپنی بیٹی مالتی میری چوپڑا جونس کا خیرمقدم کیا۔
یہ پاور کپل اکثر اپنی خاندانی زندگی کی جھلکیاں سوشل میڈیا پر شیئر کرتا رہتا ہے، چاہے وہ روزمرہ کی سادہ گھڑیاں ہوں یا خاص تقریبات۔
کام کے محاذ پر، پرینکا جلد ہی مہیش بابو اور ایس ایس راج مولی کی فلم ایس ایس ایم بی 29 میں نظر آئیں گی، جو ایک ایکشن ایڈونچر ہے اور کہا جا رہا ہے کہ اس کی فضا انڈیانا جونز جیسی ہوگی۔
انہوں نے حال ہی میں اس پروجیکٹ کے کینیا والے شیڈول کی شوٹنگ مکمل کی ہے، جس کا عارضی نام گلوب ٹراٹر ہے۔ اس فلم میں پرتھوی راج سکمَرن بھی شامل ہیں۔
