گوگل نیوز پر ہمیں فالو کریںپاکستان کی اہم بندرگاہ پورٹ قاسم نے ورلڈ بینک کے “کنٹینر پورٹ پرفارمنس انڈیکس (CPPI) 2024” میں نویں پوزیشن حاصل کر لی ہے۔ یہ کامیابی 2020 سے 2024 کے درمیان ہونے والی نمایاں بہتریوں کے بعد ممکن ہوئی اور ملک کے بحری شعبے کے لیے ایک بڑا سنگِ میل ثابت ہوئی۔
رپورٹ کے مطابق پورٹ قاسم نے کارکردگی میں 35.2 پوائنٹس کی برتری حاصل کی اور دنیا کے 20 سب سے زیادہ ترقی کرنے والی بندرگاہوں میں شامل ہوگیا۔ یہ انڈیکس ایس اینڈ پی گلوبل مارکیٹ انٹیلی جنس کے اشتراک سے تیار کیا گیا ہے۔
گھر کا نیٹ بند یا پیکیج ختم تو ٹینشن کیوں؟ پاکستان کے ان 1400مقامات پر انٹرنیٹ مفت استعمال کریں
وفاقی وزیر برائے بحری امور محمد جنید انور چوہدری نے اس رینکنگ کو “قومی فخر کا باعث” قرار دیا۔ ان کے مطابق حکومت کی اصلاحات اور جدید خطوط پر اپنائی گئی پالیسیاں اس کامیابی کا سبب ہیں، جن کا مقصد پاکستان کی بندرگاہوں کو علاقائی تجارتی مراکز میں تبدیل کرنا ہے۔
انہوں نے کہا کہ ہماری مسلسل کاوشیں آپریشنز کی جدید کاری، عالمی معیار کی بہترین حکمت عملیوں کا نفاذ اور کارکردگی میں بہتری اب رنگ لا چکی ہیں۔ وزیر نے مزید اعلان کیا کہ برسوں سے التوا کا شکار پورٹ قاسم کی ڈریجنگ کا منصوبہ منظور کر لیا گیا ہے، جس سے بڑے جہازوں کی رسائی ممکن ہوگی اور تجارتی گنجائش بڑھے گی۔
پورٹ قاسم اتھارٹی کے چیئرمین نے ورکرز کو خراجِ تحسین پیش کیا جن کی محنت نے یہ اعزاز دلایا۔ انہوں نے ڈیجیٹلائزیشن اور انفراسٹرکچر میں مزید سرمایہ کاری کا وعدہ کیا۔
حکام کے مطابق اس کارکردگی سے نہ صرف برآمدکنندگان و درآمدکنندگان کو تیز اور کم لاگت خدمات میسر آئیں گی بلکہ پاکستان کی لاجسٹکس اور شپنگ انڈسٹری میں غیر ملکی سرمایہ کاری بھی متوقع ہے۔
