گوگل نیوز پر ہمیں فالو کریںمشہور کینیڈین فاسٹ فوڈ چین ٹم ہارٹنز جو اپنی بہترین اور اعلیٰ کوالٹی کی کافی کیلئے جانا جاتا ہے عنقریب کراچی میں اپنا پہلا آؤٹ لیٹ کھولنے جا رہا ہے۔
سوشل میڈیا پر گردش کرنے والی معلومات کے مطابق اس چین نے کراچی میں اپنی جگہ کا انتخاب کر لیا ہے اور جلد ہی اپنی سرگرمیاں شروع کر دے گی۔
View this post on Instagram
سوشل میڈیا پر ایک عمارت کی تصویر بھی شیئر کی جا رہی ہے جس پر ٹم ہارٹنز کا بینر لگا ہوا ہے تاہم اس کی درست جگہ کا ابھی انکشاف نہیں کیا گیا۔ ایک انسٹاگرام پوسٹ میں لکھا گیاکہ ٹم ہارٹنز بالآخر کراچی میں قدم رکھ رہا ہے۔ اندازہ لگائیں یہ کہاں ہوگا؟
ٹم ہارٹنز ایک کینیڈین ملٹی نیشنل فاسٹ فوڈ چین ہے جو اپنی کافی، ڈونٹس جیسے بیکڈ اشیا اور دیگر کھانوں کے لیے مشہور ہے۔ اس کی بنیاد 1964 میں این ایچ ایل ہاکی کھلاڑی ٹم ہارٹن نے رکھی تھی۔
ٹم ہارٹنز کینیڈا میں ایک اہم ثقافتی علامت ہے جو روزانہ ناشتے، دوپہر اور رات کے کھانے پیش کرتا ہے اور ٹم ہارٹنز فاؤنڈیشن کیمپس کے ذریعے مختلف کمیونٹی منصوبوں کی حمایت کرتا ہے۔
